பூவுலகு

வரலாற்றுக்கு முந்தைய அழகு, இறையியல் சம்பந்தம் மற்றும் சுற்றுச்சூழல் முக்கியத்துவம் ஆகியவற்றை வெளிப்படுத்தி, இந்த ஆகஸ்ட் 12 அன்று, உலக யானைகள் தினத்துடன் பூமியின் மிக அற்புதமான உயிரினங்களில் ஒன்றைக் கொண்டாடுகிறோம். கடந்த தசாப்தத்தில், யானைகளின் எண்ணிக்கை கணிசமாக 62% குறைந்துள்ளது மற்றும் அடுத்த தசாப்தத்தின் இறுதியில் அவை பெரும்பாலும் அழிந்துவிடும்.

ஒவ்வொரு ஆண்டும் ஆகஸ்ட் 10 அன்று உலக உயிரி-எரிபொருள் தினம் அனுசரிக்கப்படுகின்றது.

உலகின் மிகப் பழமையான மற்றும் மிகவும் பிரியமான பானத்திற்கான மனிதகுலத்தின் பொதுவான தாகத்தைக் கொண்டாடுவதுதான் சர்வதேச பீர் தினமாகும். முதல் தானியங்கள் தற்செயலாக புளிக்கவைக்கப்பட்டு, ஒரு குமிழி நறுமணப் பொருளை உற்பத்தி செய்ததில் இருந்து மனிதர்கள் பீர் மீது ஈர்க்கப்பட்டனர், யாரோ ஒருவர் சுவைக்கத் துணிந்தார், இறக்கவில்லை, மாறாக ஒரு அழகான சிறிய சலசலப்பை உணர்ந்தார், புன்னகைத்து, "வாவ்" என்று கூறினார்.

பாலைவனமாதல் வறட்சிக்கு எதிரான உலக நாள்
மனிதனின் செயல்பாடுகளாலும், பருவநிலை மாற்றத்தாலும் நிலங்கள் பாலைவனங்களாக மாற்றப்படுகின்றன. பூமியின் நிலப்பரப்பும் படிப்படியாகப் பாதிக்கப்பட்டு மக்கள் வறுமை நிலைக்குத் தள்ளப்படுகின்றனர்.

உலக காற்று நாள்


உலகக் காற்று நாள் (World wind Day) ஆண்டுதோறும் சூன் 15 ஆம் நாள் கடைபிடிக்கப்படுகிறது. இதனை ஐரோப்பிய காற்று ஆற்றல் ஆணையமும், உலகளாவிய காற்று ஆற்றல் மன்றமும் ஒழுங்குப்படுத்தி வருகின்றது. இந்நாள் காற்றாற்றலைப் பற்றிய விழிப்புணர்வையும், முக்கியத்துவத்தையும், அதன் வாய்ப்புகளையும், குழந்தைகள் மற்றும் வயதானோர் அறியும்படி செய்கிறது.

உலக பெருங்கடல் நாள்
உலகப் பெருங்கடல்கள் நாள் (றுழசடன ழுஉநயளெ னுயல) ஆண்டுதோறும் சூன் 8 தேதி கடைபிடிக்கப்படுகிறது. இந்நிகழ்வை, 1992 ஆம் ஆண்டில் பிரேசிலின், இரியோ டி செனீரோ நகரில் இடம்பெற்ற பூமி உச்சி மாநாட்டில், முதன் முறையாக கனடா இந்நிகழ்வுக்கான கோரிக்கையை முன்வைத்ததை அடுத்து, இது அதிகாரபூர்வமற்ற வகையில் உலகெங்கும் அனுசரிக்கப்பட்டு வந்தது. ஐக்கிய நாடுகள் அவை 2008 ஆம் ஆண்டில் இந்நிகழ்வை அதிகாரபூர்வமாக அங்கீகரித்து அறிக்கை வெளியிட்டது.

1974 ஆம் ஆண்டிலிருந்து ஒவ்வோர் ஆண்டும் ஜூன் மாதம் 5 ஆம் தேதி உலக சுற்றுச்சூழல் நாளாகக் கொண்டாடப்படுகிறது. புவிக்கோளையும் அதன் இயற்கையையும் காப்பாற்றத் தேவைப்படும் சுற்றுச்சூழல் செயல்பாட்டைப் பற்றிய நேரடியான உலகளாவிய விழிப்புணர்வை ஏற்படுத்தக் கொண்டாடப்படுகிறது.

2018 ஆம் ஆண்டு ஜூன் 3 ஆம் நாளை ஐக்கிய நாடுகள் பொதுச் சபை உலக மிதிவண்டி நாளாக அறிவித்தது. காரணம், இரண்டு நூற்றாண்டுகளுக்கும் மேலாக பயன்பாட்டில் இருந்த மிதிவண்டிகளின் தனிச்சிறப்பு, நீண்டகாலப் பயன்பாடு, பல்திறன், மற்றும் சுற்றுச்சூழலுக்கு ஏற்ற ஒரு எளிமையான, மலிவான, நம்பகமான, சுத்தமான போக்குவரத்துக் கருவி என்பதனை அங்கிகரிப்பதற்காகவே.

2001 ஆம் ஆண்டு முதல் ஒவ்வொரு ஆண்டும் ஜூன் 1 ஆம் தேதியன்று கடைபிடிக்கப்படுகிறது. இது பால் பண்ணையுடன் தொடர்புடைய நடவடிக்கைகளுக்குக் கவனம் செலுத்துவதற்கான ஒரு வாய்ப்பை வழங்கும் நோக்கத்திற்காக உருவாக்கப்பட்டுள்ளது.

இந்தியாவில் ஆண்டுதோறும் மே 11 ஆம் தேதி தேசிய தொழில்நுட்ப நாளாகக் கொண்டாடிவருகிறோம். 1998 ஆம் ஆண்டு இதே நாளில்தான் மறைந்த முன்னாள் குடியரசுத் தலைவரும், அறிவியல் ஆராய்ச்சியாளருமான டாக்டர். ஏ. பி. ஜே. அப்துல்கலாம் தலைமையில், இந்தியாவில் உள்ள போக்ரானில் இரண்டாவது முறையாக அணுகுண்டு சோதனை நிகழ்த்தி முதல் வெற்றி கண்டது.

மே 6 அன்று சர்வதேச உணவுக் கட்டுப்பாடு நாள் கொண்டாடப்படுகிறது. நம்முடைய உடலின் அமைப்பினை நாம் அன்புசெய்ய, ஏற்றுக்கொள்வதற்காக இந்த நாள்; கொண்டாடப்படுகிறது. நம்முடைய உடல் பருமன் எவ்வாறு இருந்தாலும், நல்ல ஆரோக்கியமான உணவுமுறையை மட்டும் நாம் பின்பற்றவேண்டும். அதற்காக உணவுக் குறைப்பில் ஈடுபடக்கூடாது. உடல் பருமன் என்பது உணவுப் பழக்கத்தால் மட்டும் வருவதல்ல, குறைந்த சுயமரியாதை, கொடுமைப்படுத்துதல் போன்ற பல்வேறு காரணங்களால் வருகிறது. எனவே உடல் பருமனைக் குறைப்பதற்காக நாம் உணவு டயட் முறையைப் பின்பற்றினால், நாம் மீண்டும் மூன்றில் இரண்டு பங்கு அதிகமான உடல் பருமன் வருவதற்கான வாய்ப்புகள் அதிகம் என்ற விழிப்புணர்வை இந்நாள் வலியுறுத்துகிறது.

மே 3 ஆம் தேதி சர்வதேச சூரியன் நாள் கொண்டாடப்படுகிறது. சூரிய சக்தியின் ஒரு பகுதியைப் பயன்படுத்துவதன் மூலம், கிரகத்தின் ஆற்றல் சமநிலையை பாதிக்காது. எனவே, சூரிய சக்தி என்பது சுற்றுச்சூழல் நட்பு ஆதாரங்களில் ஒன்றாகும். சுற்றுச்சூழலை விசமாக்கும் எரிபொருளைப் பிரித்தெடுத்தல் மற்றும் எரிப்பதைத் தவிர்க்க இது அனுமதிக்கிறது.

ஓமியோபதியைக் கண்டுபிடித்தவர் ஜெர்மனியைச் சேர்ந்த டாக்டர் சாமுவேல் ஹானிமன் என்பவர். இந்நாள் மாற்று மருத்துவ முறை பற்றிய விழிப்புணர்வை உருவாக்குவதையும், அதை மேற்கொள்வது மற்றும் அதன் தீர்வுவிதங்களை மேம்படுத்துவதையும் நோக்கங்களாகக் கொண்டுள்ளது.

ஐநா பொதுசபையானது 2005 ஆம் ஆண்டு டிசம்பர் 8 ஆம் தேதி நடைபெற்ற கூட்டத்தில் ஒவ்வொரு ஆண்டும் ஏப்ரல் 4 ஆம் தேதி சுரங்கப் பணிகளில் சுரங்க விழிப்புணர்வு மற்றும் உதவிகள் தினமாக அனுசரிக்கப்படும் என அதிகாரப்பூர்வமாக அறிவித்தது. இது முதன்முறையாக 2006 ஆம் ஆண்டு ஏப்ரல் 4 அன்று கொண்டாடப்பட்டது.

மார்ச் 31, 2017 அன்று, போதைப்பொருள் பாதுகாப்பு அமைப்புகளின் கூட்டமைப்பு, பாதுகாப்பான போதைப்பொருள் பயன்பாடு குறித்த விழிப்புணர்வை ஏற்படுத்துவதற்காக முதல் சர்வதேச போதைப்பொருள் சோதனை தினத்தை நடத்தியது. போதைப்பொருள் சோதனை என்பது, பயனர்கள் தாங்கள் உட்கொள்ள விரும்பும் பொருட்களின் உள்ளடக்கம் மற்றும் தூய்மையைக் கண்டறிய அனுமதிப்பதன் மூலம் போதைப்பொருள் நுகர்வு பாதிப்பைக் குறைப்பதற்கான ஒரு வழியாகும். பாதுகாப்பானவைகளை தேர்வுசெய்யவும், அதிக ஆபத்தான பொருள்களை தவிர்ப்பதற்கும் கடந்த இருபத்தைந்து ஆண்டுகளில் இருபது நாடுகளில் போதைப்பொருள் சோதனைச் சேவைகள் உருவாக்கப்பட்டும், பல நாடுகளில் பரிசீலிக்கப்பட்டும் வருகின்றன.

வானிலை, பருவமழை அளவு, மேகமூட்டம், மழை, வெப்பம், காற்றின் வேகம், திசை போன்ற பல தகவல்களை வானிலை ஆராய்ச்சி மையங்கள் தருகின்றன. இவற்றில், பொதுவாக நமக்குத் தெரிவது, இன்று மழை வருமா வராதா, பள்ளிக்கு விடுமுறை அறிவிக்கப்படுமா போன்ற சில தகவல்கள்தான். வானிலை பற்றிய மாற்றங்களையும், இயற்கையைப் பாதுகாப்பதின் அவசியத்தையும் நாம் அனைவரும் உணர்ந்து கொள்ள வேண்டும் என்பதே உலக வானிலை தினம் (றுழசடன ஆநவநழசழடழபiஉயட னுயல); நமக்குச் சொல்வது.

1992 ஆம் ஆண்டில் பிரேசிலில் ரியோ டி ஜனெய்ரோ நகரில் இடம்பெற்ற சுற்றுச்சூழல் மற்றும் வளர்ச்சி குறித்து நடைபெற்ற ஐநா பேரவைக் கூட்டத் தொடரில் 1993 ஆம் ஆண்டு முதல் ஒவ்வொரு ஆண்டும் மார்ச் மாதம் 22 ஆம் நாள் உலக நீர்வள நாளாக கொண்டாடத் தீர்மானிக்கப்பட்டது.

1971 ஆம் ஆண்டு நடைபெற்ற 16 ஆம் ஐரோப்பியன் விவசாய மாநாட்டில் காடுகளின் முக்கியத்துவத்தை பற்றிய விழிப்புணர்வு ஏற்படுத்த வேண்டும் என்ற நோக்கோடு மார்ச் 21ஆம் தேதி காடுகள் தினம் கொண்டாட முடிவு செய்யப்பட்டது. 2012 ஆம் ஆண்டு ஐ.நா. பொதுசபையின் அறிவுறுத்தலின்படி ஒவ்வொரு ஆண்டும மார்ச் மாதம் 21ஆம் தேதி உலக காடுகள் தினம் (World Forest Day) கொண்டாடப்பட்டு வருகிறது.

நவீன கட்டிட அமைப்பானது சிட்டுக்குருவிகள் கூடுகட்டி வாழ்வதற்கு ஏற்றதாக இல்லை. தெருக்களில் தேவையான தானியங்கள் கிடைப்பதில்லை. விவசாய நிலங்களில் பூச்சிக் கொல்லி மருந்துகள் அடிக்கப்படுகின்றன. நிலம், நீர் மாசுகாரணமாகவும், சிட்டுக்குருவிகளின் எண்ணிக்கை குறைந்து வருகின்றன. ஆகவே, சிட்டுக்குருவிகள்மீது விழிப்புணர்வு ஏற்படுத்த உலக சிட்டுக்குருவிகள் தினம் 2010 ஆம் ஆண்டிலிருந்து மார்ச் 20 ஆம் தேதி கடைபிடிக்கப்படுகிறது.

உலகளாவிய மறுசுழற்சி தினம்
உலக மறுசுழற்சி தினம் ஒவ்வொரு ஆண்டும் மார்ச் 18 அன்று அனுசரிக்கப்படுகிறது. முதன் முதலில் 2018 ஆம் ஆண்டு தொடங்கப்பட்டது. மதிப்புமிக்க முதன்மை வளங்களைப் பாதுகாப்பதில் மறுசுழற்சியின் பங்கு மிகவும் முக்கியமானது. மறுசூழற்சி முறையை அங்கீகரிப்பதும் அதனை செயல்படுத்த உதவுவதுமே இந்நாளின் முக்கிய நோக்கமாகும்.