மதஇணக்கமும் சுற்றுச்சூழல் பாதுகாப்பை வலியுறுத்தும் சமய நல்லிணக்க நடைப்பயணம். | Veritas Tamil

மே 9ஆம் தேதி, இந்தோனேசியாவின் தலைநகர் ஜகார்த்தா நகர மையப் பகுதிகளில் ஆயிரக்கணக்கான மக்கள் கலந்து கொண்ட நல்லிணக்க நடைப்பயணம் நிகழ்ச்சி மூலம் ஜகார்த்தா உயர்மறைமாவட்டம்
தனது 219வது ஆண்டு நிறைவை நினைவுகூர்ந்தது. இந்த நிகழ்வு மதஇணக்கம் மற்றும் சுற்றுச்சூழல் பொறுப்புணர்வை வலியுறுத்தும் வகையில் நடைபெற்றது.

“படைப்பின் ஒருமை” (Integrity of Creation) என்ற கருப்பொருளில் நடைபெற்ற இந்த நிகழ்வில் கத்தோலிக்கர்கள், பிற மதத்தினரின் பிரதிநிதிகள், அரசு அதிகாரிகள், இளைஞர் அமைப்புகள் மற்றும் கலாச்சாரக் குழுக்கள் இணைந்து “பல்வேற்றில் ஒற்றுமை” என்ற உணர்வை கொண்டாடினர்.

நடைப்பயணம் ஜகார்த்தா பேராலயம் வளாகத்தில் தொடங்கி நகரின் முக்கிய சாலைகள் வழியாக நடைபெற்றது. இதில் ஜகார்த்தா பேராயர் Ignatius Cardinal Suharyo, இந்தோனேசிய மத விவகாரத்துறை அமைச்சர் மற்றும் முன்னாள் இமாம் Nazaruddin Umar, ஜகார்த்தா ஆளுநர் Pramono Anung உள்ளிட்ட பலர் ஆயிரக்கணக்கான மக்களுடன் கலந்து கொண்டனர்.

பல்வேறு மாநில பாரம்பரிய உடைகளில் வந்த கலைஞர்களும் ஊர்வலத்தில் கலந்து கொண்டு விழாவிற்கு கலாச்சாரச் சிறப்பை சேர்த்தனர்.கிழக்கு ஜகார்த்தாவின் ஹாலிம் பேராலயத்தைச் சேர்ந்த கத்தோலிக்க போதகர் டாமியானா கூறுகையில்,“இந்த நிகழ்வு ஜகார்த்தாவில் மத சகிப்புத்தன்மை மற்றும் ஒற்றுமையின் ஆவியை வெளிப்படுத்தியது” என்றார். மேலும் மரநடுதல் போன்ற நடவடிக்கைகள் மூலம் சுற்றுச்சூழல் பாதுகாப்பும் முன்னிறுத்தப்பட்டது. இது இந்தோனேசிய அரசின் “Asta Protas” திட்டத்துடன் இணங்கும் முயற்சி என்றும் அவர் தெரிவித்தார்.

ஜகார்த்தா பேராலயத்தில் நடைபெற்ற செய்தியாளர் சந்திப்பில் அமைச்சர் நசாருத்தீன் உமர், சமீபத்திய ஆய்வுகள் இந்தோனேசியாவில் மத ஒற்றுமை உயர் நிலை வகிப்பதை காட்டுகின்றன என்றார். தென்கிழக்காசியாவின் அமைதியான நகரங்களில் ஒன்றாக ஜகார்த்தாவை அவர் குறிப்பிட்டார். மேலும் Tunnel of Friendship என அழைக்கப்படும், Istiqlal Mosque மற்றும் ஜகார்த்தா பேராலயத்தை இணைக்கும் பாதை, மதஇணக்கம் மற்றும் தேசிய ஒற்றுமையின் சின்னமாக இருப்பதாகவும் அவர் தெரிவித்தார். 

ஜகார்த்தா ஆளுநர் Pramono Anung, இந்த நிகழ்வை பயன்படுத்தி, நகரில் அதிகரித்து வரும் குப்பை பிரச்சினையை சமாளிக்க தேவாலயங்களும் கத்தோலிக்க சமூகங்களும் ஜகார்த்தாவின் குப்பை பிரித்தல் (waste-sorting) இயக்கத்திற்கு ஆதரவு வழங்க வேண்டும் என அழைப்பு விடுத்தார்.

Jakarta நகரில் தினமும் சுமார் 7,300 முதல் 8,000 டன் வரை குப்பை உருவாகிறது. இந்தக் குப்பைகளில் பெரும்பாலானவை அருகிலுள்ள Bantargebang landfill குப்பை மேட்டுக்கு கொண்டு செல்லப்படுகின்றன. அங்கு ஏற்கனவே 55 மில்லியன் டன்களுக்கு மேல் குப்பை தேங்கியுள்ளது.குடும்ப மட்டத்தில் சுற்றுச்சூழல் பொறுப்புணர்வை உருவாக்க, மத சமூகங்களும் அரசுத் துறைகளும் இணைந்து செயல்படுவது மிகவும் அவசியம் என ஆளுநர் வலியுறுத்தினார்.