பிலிப்பைன்ஸில் 6.9 ரிக்டர் அளவிலான சக்திவாய்ந்த நிலநடுக்கம்
செப்டம்பர் 30 அன்று செபுவின் புதிய ஆயராக பொறுப்பேற்ற ஒரு நாளுக்குப் பிறகு, மத்திய பிலிப்பைன்ஸில் உள்ள தீவு மாகாணத்தில் 6.9 ரிக்டர் அளவிலான சக்திவாய்ந்த நிலநடுக்கம் ஏற்பட்டது. பேராயர் ஆல்பர்டோ எஸ். உய் உடனடியாக ஒரு பெரிய நெருக்கடியை எதிர்கொண்டார்.
திருமதி ரெனாடோ பெல்ட்ரான் ஜூனியர் மூலம், பேராயர் உய் தனது முதல் அதிகாரப்பூர்வ உத்தரவை பிறப்பித்தார். செபு மறைமாவட்டத்தில் உள்ள அனைத்து பங்கு மக்கள் மற்றும் பங்குத்தந்தையர் உடனடி கட்டமைப்பு ஆய்வுகளுக்கு உத்தரவிட்டார்.
வடக்கு கடற்கரையில் ஏற்பட்ட ஒரு ஸ்ட்ரைக்-ஸ்லிப் பிளவு காரணமாக ஏற்பட்ட இந்த நிலநடுக்கத்தில், இதுவரை குறைந்தது 61 பேர் இறந்துள்ளனர், மற்றும் 140 க்கும் மேற்பட்டோர் காயமடைந்தனர். பாலங்கள், அரசு கட்டிடங்கள், வீடுகள் மற்றும் தேவாலயங்கள் குறிப்பிடத்தக்க சேதத்தை சந்தித்த பகுதிகளான போகோ, சான் ரெமிஜியோ மற்றும் டான்பண்டாயன் ஆகிய இடங்கள் மிகவும்பாதிக்கப்பட்டுள்ளன. இந்த நிலநடுக்கத்தல் நகர்புறங்களிலும் குறைந்தது 27 பேர் இறந்தது உறுதி செய்யப்பட்டது.
அக்டோபர் 1 ஆம் தேதி காலை, செபு மாகாண அரசாங்கம் அவசரகால நிதியை விடுவிக்கவும், மீட்பு நடவடிக்கைகளை விரைவுபடுத்தவும் முழு மாகாணத்தையும் பேரிடர் நிலைக்கு உட்படுத்தியது.
"வடக்கில் கடுமையாக பாதிக்கப்பட்டுள்ள பங்குகளுக்கு, முறையான நிவாரண திட்டங்களை மேற்கொண்டு முறையான கட்டமைப்புகளைப் பயன்படுத்துவதற்குப் பாதுகாப்பானதாக அறிவிக்கும் வரை, திருப்பலி கொண்டாட்டத்திற்கு தேவாலயங்களைப் பயன்படுத்துவதைத் தவிர்க்குமாறு பேராயர் ஆலோசனைக் கடிதம் எழுதினார்.
சேதமடைந்த கட்டமைப்புகளில் டான்பண்டாயனில் உள்ள சாண்டா ரோசா டி லிமாவின் மறைமாவட்ட ஆலயமும் இருந்தது.
பன்டாயன் தீவில் கடலுக்கு அப்பால், பன்டாயன் நகரவாசிகள், மற்றொரு பாரம்பரிய தேவாலயமான பரோக்வியா டி சான் பெட்ரோ அப்போஸ்டல், விளக்குகள் மின்னும்போதும், அதன் வெளிப்புற முகப்பின் பகுதிகள் இடிந்து விழும்போதும் அசைந்து கொண்டிருந்த வீடியோவைப் படம் பிடித்தனர்.
280 க்கும் மேற்பட்ட பின்னதிர்வுகள் பதிவு செய்யப்பட்டுள்ள நிலையில், பாதுகாப்பு சோதனைகள் தொடர்வதால், பல வழிபாட்டு கொண்டாட்டங்களை வெளியில் மாற்றியுள்ளன. மின் தடைகள், விரிசல் அடைந்த சாலைகள் மற்றும் இடிந்து விழுந்த சுவர்கள் அவசரநிலையை உருவாக்கியுள்ளன. ஆயிரக்கணக்கான குடியிருப்பாளர்கள் இடம்பெயர்ந்துள்ளனர் அல்லது வெளியில் தூங்கி வருகின்றனர்.
பிலிப்பைன்ஸில் கிறிஸ்தவத்தின் தொட்டில் என்று அழைக்கப்படும் செபு, நாட்டின் மிகப்பெரிய மறைமாவட்டமாகும். இது சுமார் ஐந்து மில்லியன் கத்தோலிக்கர்களைக் கொண்டுள்ளது.
புதிதாகப் பதவியேற்ற பேராயர் தனது செய்தியில், விசுவாசிகள் பயத்துடன் அல்ல, நம்பிக்கையுடன் பதிலளிக்க வேண்டும் என்று வலியுறுத்தினார்.
" நம்மையும், நம் குடும்பங்களையும்,நம் சமூகங்களையும் கடவுளின் இரக்கமுள்ள கரங்களில் அர்ப்பணிப்போம்" என்று அவர் கூறினார். "இறைவன் நம்மைத் தம்முடைய சிறகுகளின் கீழ் அடைக்கலம் கொடுத்து, எல்லாத் தீங்குகளிலிருந்தும் பாதுகாத்து, அமைதிக்கு வழிநடத்துவாராக."
Daily Program
