பப்புவா நியூ கினியாவில் திருத்தந்தை பிரான்சிஸ்

பப்புவா நியூ கினியாவில்  திருத்தந்தை பிரான்சிஸ் 

பப்புவா நியூ கினியா - செப்டம்பர் 7, 2024 - பாப்புவா நியூ கினியாவின் தலைவர்கள், அரசியல் மற்றும்  தூதரக அதிகாரிகளுக்கு தனது உரையின் போது, ​​திருத்தந்தை பிரான்சிஸ்,  ஒற்றுமை, வளங்களைப் பயன்படுத்துதல் மற்றும் ஆன்மீக விழுமியங்களில் கவனம் செலுத்த அழைப்பு விடுத்தார். 

800 க்கும் மேற்பட்ட மொழிகள் மற்றும் நூற்றுக்கணக்கான தீவுகளைக் கொண்ட பப்புவா நியூ கினியாவின் கலாச்சார செல்வத்திற்கு திருத்தந்தை  தனது பாராட்டுக்களை வெளிப்படுத்தினார், அத்தகைய பன்முகத்தன்மை ஒரு தனித்துவமான சவாலையும் நல்லிணக்கத்திற்கான வாய்ப்பையும் அளிக்கிறது என்று குறிப்பிட்டார். 

"இந்த அசாதாரண கலாச்சார செழுமை என்னை ஆன்மீக மட்டத்தில் கவர்ந்திழுக்கிறது" என்று குறிப்பிட்ட திருத்தந்தை , வேறுபாடுகளுக்கு மத்தியில் ஒற்றுமையை உருவாக்குவதில் தூய  ஆவியாரின்  பணிக்கு இது ஒரு சான்றாகும். 

இயற்கை வளங்களைப் பயன்படுத்துவதில் சர்வதேச ஒத்துழைப்பின் அவசியத்தை  ஏற்றுக்கொண்ட திருத்தந்தை  பிரான்சிஸ், உள்ளூர் சமூகங்களுடன் நன்மைகள் சமமாகப் பகிர்ந்து கொள்ளப்படுவதை உறுதிசெய்வதன் முக்கியத்துவத்தை வலியுறுத்தினார். 

அனைத்து குடிமக்களின் நலனுக்கும் முன்னுரிமை அளிக்குமாறு அதிகாரிகளை அவர் வலியுறுத்தினார். "வளங்களை பகிரும்போதும்  தொழிலாளர்களை வேலைக்கு அமர்த்தும்போதும் உள்ளூர் மக்களின் தேவைகளுக்கு உரிய கவனம் செலுத்தப்படுவது தான் மிகச் சரியானது" என்று அவர் கூறினார்.

பாப்புவா நியூ கினியா தனது பரந்த இயற்கை செல்வத்தை நிர்வகிப்பதற்கான சவாலை எதிர்கொள்ளும் அதே வேளையில் நிலையான வளர்ச்சியை உறுதி செய்யும் நேரத்தில் திருத்தந்தையின்  கருத்துக்கள் வந்துள்ளன. 

மேலும் அவர்  "உறுதியான திட்டங்கள், சர்வதேச ஒத்துழைப்பு, பரஸ்பர மரியாதை மற்றும் அனைத்து தரப்பினருக்கும் நன்மை பயக்கும் ஒப்பந்தங்கள்" தேவை என்று  வலியுறுத்தினார்.

திருத்தந்தை  பிரான்சிஸ் தனது உரையில், பப்புவா நியூ கினியாவின் சில பகுதிகளில் தொடரும் பிரச்சனையான பழங்குடியினரின் வன்முறைப் பிரச்சினையையும் அலசி அறிந்து அதற்கான தீர்வுகளையும் வழங்கினார். 

வன்முறையை முடிவுக்குக் கொண்டுவருமாறு தலைவர்களுக்கும் குடிமக்களுக்கும் அவர் வேண்டுகோள் விடுத்தார், இது மக்களை நிம்மதியாக வாழ்வதைத் தடுக்கிறது மற்றும் வளர்ச்சியைத் தடுக்கிறது" என்று அவர் கூறினார்.

நீதியான மற்றும் வளமான சமுதாயத்தை கட்டியெழுப்புவதில் ஆன்மீக விழுமியங்களின் முக்கியத்துவத்தை திருத்தந்தை பிரான்சிஸ் வலியுறுத்தினார். 

பப்புவா நியூ கினியா மக்களை, செல்வத்திற்கு அப்பால் பார்க்குமாறு திருத்தந்தை  ஊக்குவித்தார், நம்பிக்கை, ஆன்மீக வலிமை மற்றும் எதிர்காலத்திற்கான தொலைநோக்கு  பார்வை ஆகியவற்றின் முக்கியத்துவத்தை வலியுறுத்தினார்.

நாட்டின் பெரும்பான்மையான கிறிஸ்தவர்களுக்கு ஒரு சக்திவாய்ந்த செய்தியாக  திருத்தந்தை  நம்பிக்கையாளர்கள்  தங்கள் நம்பிக்கையை வெறும் சடங்குகளாகக் குறைக்காமல், அது அவர்களின் கலாச்சாரத்தை ஊடுருவி அவர்களின் செயல்களை ஊக்குவிக்கட்டும் என்று வலியுறுத்தினார். 

நாட்டில் திருஅவைக்கும்  அரசாங்கத்துக்கும் இடையே, குறிப்பாக கல்வி, சுகாதாரம் மற்றும் சமூக சேவைகள் ஆகிய துறைகளில் நடந்து வரும் ஒத்துழைப்பை திருத்தந்தை  பாராட்டினார். 

பொது நலனுக்காக  பிற  கிறிஸ்தவ பிரிவுகள் மற்றும் நம்பிக்கைகளின் அடிப்படையில்  மக்களுடன் இணைந்து பணியாற்றுவதன் முக்கியத்துவத்தை வலியுறுத்தினார்.