வெள்ளப் பாதிப்புக்குள்ளான மக்களுக்கு நிவாரணம் வழங்கும் கத்தோலிக்க ஆயர் ! | Veritas Tamil

2025 டிசம்பர் 7 அன்று மதுல்சிமா மற்றும் லுனுகலா பகுதிகளில் வெள்ளம் மற்றும் நிலச்சரிவால் பாதிக்கப்பட்ட சமூகங்களை ஆயர் ஜூட் நிஷாந்த சில்வா நேரில் சந்தித்து ஆறுதல் வழங்கினார்.

கடினமான சூழ்நிலைகளில் தமது நம்பிக்கையாளர்களுடன்  நின்று துணை நிற்கும் திருஅவையின்  அர்ப்பணிப்பை வெளிப்படுத்தும் வகையில், மத்திய ஸ்ரீலங்காவின் பதுளை மறைமாவட்ட ஆயர் ஜூட் நிஷாந்த சில்வா, டிசம்பர் 7, 2025 அன்று, மதுல்சிமா மற்றும் லுனுகலா பரிஷுகளுக்கு சென்று, வெள்ளத்தினால் மற்றும் நிலச்சரிவினால் பாதிக்கப்பட்ட சமூகங்களுக்கு தமது ஆயர்பணியின் அக்கறையை வெளிப்படுத்தினார்.

ஆயர் நெருக்கடியில் இருக்கும் குடும்பங்களை நேரடியாக சந்தித்து, ஆறுதல் வார்த்தைகளை வழங்கினார். மேலும், தேவையான உலர் உணவுப் பொருட்கள் மற்றும் அத்தியாவசியங்களையும் வழங்கினார்.

அமைதியை மையமாகக் கொண்ட அத்வெந்து இரண்டாம் ஞாயிறு நாளை விசுவாசிகள் அனுசரித்துக் கொண்டிருந்த நிலையில், அவரின் வருகை அங்கு அமைதியும் நம்பிக்கையும் நிறைந்த ஒரு சூழலை உருவாக்கியது. அவரது ஆயர்பணி அன்பும் பரிவும் மூலம், அமைதி என்பது பிரசங்கிக்கப்படுவதில் மட்டும் அல்ல; அது வாழப்பட்டு, அனுபவிக்கப்பட்டு, சமூகத்தில் பகிரப்பட்டதுமான உண்மையை பலர் உணர்ந்தனர்.

இதற்கிடையில், வெள்ளத்தால் பாதிக்கப்பட்ட பகுதிகளில் தொடர்ந்து கனமழை பெய்து வருவதால், ஸ்ரீலங்கா அதிகாரிகள் புதிய நிலச்சரிவு எச்சரிக்கைகளை வெளியிட்டுள்ளனர். டிசம்பர் 7 நிலவரப்படி, அரசாங்கம் 618 மரணங்களை உறுதி செய்துள்ளது; இதில் 464 பேர் தேயிலைத் தோட்டங்களால் பிரசித்தி பெற்ற மத்திய மலைப்பாங்கு பகுதிகளிலிருந்து. மேலும் 209 பேர் காணாமல் போயுள்ளனர். தீவு முழுவதும் நீர் குறைந்து வருவதால், அரசு தங்குமிடங்களில் தங்கியிருந்தவர்களின் எண்ணிக்கை உச்சமான 2,25,000 இலிருந்து தற்போது சுமார் 1,00,000 ஆக குறைந்துள்ளது. மேலும் 75,000 க்கும் மேற்பட்ட வீடுகள் சேதமடைந்துள்ளன; அதில் சுமார் 5,000 வீடுகள் முற்றிலும் அழிந்தன.

இத்தகைய பெரும் சிரமங்களின் நடுவிலும், ஸ்ரீலங்கா மக்கள் ஒருவருக்கொருவர் தாராள உதவி அளித்து நின்றுள்ளனர். அண்டை நாடுகள் மற்றும் சர்வதேச அமைப்புகளும் மனிதாபிமான மற்றும் நிதியுதவிகளை அனுப்பி வருகின்றன. 

ஸ்ரீலங்கா கத்தோலிக்க திருஅவை  முழுவதும் செயல்படுத்தப்பட்டுள்ள நிலையில், குருமார்கள் இடம்பெயர்ந்த குடும்பங்களைச் சந்தித்து ஆறுதல், வழிகாட்டல் மற்றும் நிவாரணப் பணிகளை மேற்கொள்வதில் ஈடுபட்டுள்ளனர். கிறிஸ்தவ சமூகங்கள் கூட, வரும் கிறிஸ்துமஸ் பண்டிகையை முன்னிட்டு, பேரிடரால் பாதிக்கப்பட்ட குடும்பங்களுக்கு சிறப்பு உதவி திட்டங்களைத் தயாரித்து வருகின்றன.