மத்திய இந்தியாவில் இரண்டு கத்தோலிக்க அருட்சகோதரிகள் கைது செய்யப்பட்டனர்.
மத்திய இந்தியாவில் இரண்டு கத்தோலிக்க மனித கடத்தல் குற்றச்சாட்டின் பேரில் அதிகாரிகளால் கைது செய்யப்பட்டனர். சிறுபான்மையினருக்கு எதிராக வளர்ந்து வரும் விரோதப் போக்கின் ஒரு பகுதியாக இந்த சம்பவத்தை கண்டித்து திருஅவை தலைவர்களிடம் கடுமையான எதிர்ப்பை தூண்டியுள்ளது.
க்ரக்ஸ் (Crux) அறிக்கையின்படி, இந்த சம்பவம் ஜூலை 25 அன்று சத்தீஸ்கர் மாநிலத்தில் உள்ள துர்க் ரயில் நிலையத்தில் நடந்தது. அங்கு அரசு ரயில்வே காவல்துறை (GRP) கிரீன் கார்டன் துறவற சபையைச் சார்ந்த சகோதரிகளைச் சகோதரிகள் பிரீத்தி மேரி மற்றும் வந்தனா பிரான்சிஸை கைது செய்தது. கன்னியாஸ்திரிகள், மூன்று இளம் பெண்கள் மற்றும் ஒரு பழங்குடி இனத்தை சார்ந்த இளைஞனுடன் ஜக்தல்பூர் மறைமாவட்டத்தின் நாராயண்பூரில் இருந்து உத்தரபிரதேசத்தின் ஆக்ராவுக்குச் செல்லும் வழியில் சென்று கொண்டிருந்தனர். அங்கு இந்த மூன்று பெண்களுக்கும் கத்தோலிக்கரால் நடத்தப்படும் மருத்துவமனையில் வேலைவாய்ப்பு வழங்கப்பட்டது.
19 முதல் 22 வயதுடைய மூன்று இளம் பெண்களும். எழுத்துப்பூர்வ அங்கீகாரம் மற்றும் அடையாள ஆவணங்கள் உட்பட முழு பெற்றோரின் ஒப்புதலுடன் பயணம் செய்ததாகக் கூறப்படுகிறது. இருப்பினும், ரயில் தளம் டிக்கெட்டுகள் இல்லாததால் ரயில் டிக்கெட் பரிசோதகர் (TTE) அவர்களைத் தடுத்து நிறுத்தினார். விசாரித்தபோது, அருட்சகோதரிகளின் பராமரிப்பில் வேலைக்குச் செல்வதாகக் அந்த இளம் பெண்கள் கூறினர்.
விஷ்வ இந்து பரிஷத்துடன் இணைந்த இந்து தேசியவாத இளைஞர் குழுவான பஜ்ரங் தளத்தின் உள்ளூர் உறுப்பினர்களுக்கு TTE அவர்களால் தகவல் அளிக்கப்பட்டது. குழுவின் உறுப்பினர்கள் ரயில் நிலையத்திற்கு வந்து, இளம் பெண்கள் ஏற்கனவே கிறிஸ்தவர்கள் என்று உறுதிப்படுத்திய போதிலும், சகோதரிகள் இளம் பெண்களை வலுக்கட்டாயமாக கிறிஸ்தவ மதத்திற்கு மாற்ற முயற்சிப்பதாக குற்றம் சாட்டத் தொடங்கினர்.
பின்னர் அருட்சகோதாரிகளும் நான்கு நபர்களும் ரயிலில் இருந்து இறக்கிவிடப்பட்டு, விசாரணைக்காக உள்ளூர் காவல் நிலையத்திற்கு அழைத்துச் செல்லப்பட்டனர். மூன்று இளம் பெண்களும் தற்போது துர்க்கில் உள்ள பெண்கள் நலக் குழுவின் காவலில் உள்ளனர்.
சுமார் 3 கோடி மக்கள் வசிக்கும் சத்தீஸ்கரில் 93 சதவீதத்திற்கும் அதிகமானோர் இந்துக்கள், கிறிஸ்தவர்கள் 2 சதவீதத்திற்கும் குறைவானவர்கள். சமீபத்திய ஆண்டுகளில் கிறிஸ்தவ சமூகங்களுக்கு எதிரான மிரட்டல் மற்றும் வன்முறை சம்பவங்கள் அதிகரித்து வருகின்றன.
பம்பாயின் ஓய்வுபெற்ற பேராயரும், ஆக்ராவின் முன்னாள் பேராயருமான கர்தினால் ஓஸ்வால்ட் கிரேசியஸ், Crux-க்கு அளித்த கருத்துகளில் இந்த சம்பவம் குறித்து அதிருப்தி தெரிவித்தார் .
"இதுபோன்ற சம்பவங்கள் அதிகரித்து வருவதைக் கண்டு நான் வருந்துகிறேன்" என்று கர்தினால் கூறினார். "எங்கள் நோக்கம் தவறாகப் புரிந்து கொள்ளப்படுகிறது. அருட்சகோதரிகள் மீது எனக்கு அனுதாபம் உள்ளது. மேலும் அவர்கள் சட்டவிரோதமான எதையும் செய்யவில்லை என்பதில் எனக்கு நம்பிக்கை உள்ளது."
"அவர்கள் துன்புறுத்தப்படக்கூடாது. விசாரணை செய்வதற்கு முறையான வழிகள் மற்றும் விசாரணை நடைமுறைகள் உள்ளன. இது நமது நாட்டிற்கு மிகவும் கெட்ட பெயரைக் கொண்டுவருகிறது. நாம் சட்டத்தை மதிக்கும் நாடு, இந்த சம்பவங்கள் நம்மை மோசமான வெளிச்சத்தில் காட்டுகின்றன" என்று அவர் மேலும் வலியுறுத்தினார்.
"ஆக்ராவைச் சேர்ந்த இந்த அருட்சகாதரிகளை நான் அறிவேன். அவர்கள் சமூகத்திற்கு மகத்தான சேவையைச் செய்கிறார்கள். அவர்களின் நோக்கங்கள் மிகவும் நல்லவை என்று நான் உறுதியாக நம்புகிறேன்.
அருட்சகோதரிகள் மீது கொடுக்கப்பட்ட குற்றச்சாட்டைக் கண்டித்து, அவர் மேலும் கூறினார். "இது பெண்கள் மீதான தாக்குதல்... நமது மதப் பெண்கள் அவமதிக்கப்பட்டனர் மற்றும் துன்புறுத்தப்பட்டனர். பெண்களை நடத்தும் முறை இதுவல்ல. இதுபோன்ற சம்பவங்கள் நாட்டின் நற்பெயருக்கு களங்கம் விளைவிக்கின்றன."
இந்தியாவில் கிறிஸ்தவர்களுக்கு எதிரான வன்முறை அதிகரித்து வரும் நிலையில் இந்த சம்பவம் நிகழ்ந்துள்ளது. ஐக்கிய கிறிஸ்தவ மன்றம் (UCF) 2025 ஆம் ஆண்டின் முதல் பாதியில் மட்டும் 378 சம்பவங்கள் பதிவாகியுள்ளன, சராசரியாக ஒரு நாளைக்கு இரண்டு தாக்குதல்கள். ஐக்கிய கிறிஸ்தவ மன்றம்( UCF) A.C மைக்கேல் பல ஆண்டுகளாக கிறிஸ்தவ எதிர்ப்பு சம்பவங்கள் அதிகரித்து வருவதாகக் குறிப்பிட்டார். 2014 இல் 127 ஆக இருந்து 2024 இல் 834 ஆக உயர்ந்துள்ளது.
Daily Program
