கிறிஸ்துவின் உயிர்த்தெழுதல் மனித வரலாற்றின் இருளுக்கு நம்பிக்கை ;பொது நேர்காணலில் திருத்தந்தை| Veritas Tamil

பொது நேர்காணலில் திருத்தந்தை: கிறிஸ்துவின் உயிர்த்தெழுதல் மனித வரலாற்றின் இருளுக்கு நம்பிக்கையை அளிக்கிறது.

புதன்கிழமை நடைபெற்ற பொது நேர்காணலில், திருத்தந்தை லியோ பதினான்காம் அவர்கள், கிறிஸ்துவின் உயிர்த்தெழுதல் எவ்வாறு நமது அன்றாட வாழ்க்கைக்கு வழிகாட்டுகிறது, அர்த்தத்திற்கான நமது தாகத்தை நிறைவு செய்கிறது, உலகிற்கு நம்பிக்கையை அளிக்கிறது என்பதை வலியுறுத்தினார்.
இசபெல்லா ஹெச். டி கார்வாலோ அவர்களின் தொகுப்பு அவர்கள் கூறுகையில் 
“பல துயரங்களால் குறிக்கப்படும் நம் காலம் கூட, பாஸ்கா நம்பிக்கையின் விடியலை ஏங்குகிறது,” என்று திருத்தந்தை அவர்கள்  நவம்பர் 5 அன்று, புனித பேதுரு திருத்தலத் திறந்த வெளியில் நடைபெற்ற புதன்கிழமை பொது நேர்காணலில் கூறினார்.

அவரது போதனையில், திருத்தந்தை கிறிஸ்துவின் உயிர்த்தெழுதலை “ஒரு கருத்தோ, ஒரு கோட்பாடோ அல்ல, நம்பிக்கையின் அடித்தளம் ஆன நிகழ்வு” என்று சிந்தனை செய்தார்.உயிர்த்தெழுதலில் உண்மையாக நம்புவது என்பது நம் அன்றாட வாழ்க்கையையே மாற்றுவதாகும் எனவும், அந்த மாற்றம் “கிறிஸ்தவ நம்பிக்கையின் மென்மையானதாயும் துணிவானதாயும் இருக்கும் ஆற்றலால் உலகையே மாற்ற முடியும்” எனவும் அவர் கூறினார்.

“மனித வரலாற்றில் எங்கும் வெளிச்சம் காணப்படாத இடங்களிலும் நாமே அவரது சாட்சிகளாக இருக்கலாம்,” என அவர் கேட்டுக்கொண்டார். “பாஸ்கா நம்பிக்கை ஏமாற்றாது.”

பொது நேர்காணலில் திருத்தந்தை பதினான்காம் லியோ அவர்கள் குழப்பமான வாழ்க்கையில் வழிகாட்டும் நட்சத்திரம்
கிறிஸ்துவின் உயிர்த்தெழுதலில் “அர்த்தத்திற்கான நமது தாகத்திற்கு விடை காண்கிறோம்” என்று திருத்தந்தை கூறினார், குறிப்பாக நமக்குப் புரியாத நிகழ்வுகளை எதிர்கொள்ளும் போது.

“அவரில் நாம் எப்போதும் நம்பிக்கையுடன் நோக்கிச் செல்லும் வழிநட்சத்திரத்தை காண்கிறோம். நம் குழப்பமான வாழ்க்கை பலமுறை துன்பம், மரணம், தீமை போன்றவற்றால் மூடப்படுகிறது,” என அவர் கூறினார்.

மேலும் ,மனித இயல்பின் பலவீனத்தை எதிர்கொள்ளும்போது, “கிறிஸ்துவின் உயிர்த்தெழுதல் பராமரிப்பாகவும் சிகிச்சையாகவும் மாறி, அன்றாட வாழ்க்கையின் பயமூட்டும் சவால்களிலும் நம்பிக்கையை ஊட்டுகிறது,” என அவர் தொடர்ந்தார்.

புனித பேதுரு திருத்தலத்தில் அவர் மேலும் விளக்குகையில், “பாஸ்கா பார்வையில், துயரத்தின் பாதை வெளிச்சத்தின் பாதையாக மாறுகிறது.” துன்பத்தின் பின் வரும் மகிழ்ச்சியை “சுவைத்தும் தியானித்தும், உயிர்த்தெழுதலுக்கு முன் நடந்த அனைத்து கட்டங்களையும் புதிய வெளிச்சத்தில் மீண்டும் பாருங்கள்” என அவர் கேட்டுக்கொண்டார்.

முடிவில், திருத்தந்தை கூறினார்: “உயிர்த்தெழுதல் மனித வரலாற்றின் போக்கையே மாற்றிவிட்டது.”