நவீன எண்ணிமத் தொழில்நுட்பங்களைப் பரவலாகப் பயன்படுத்தும் தென் கொரியச் சமூகத்தில், கத்தோலிக்க நற்செய்திப் பணிக்கு புதிய வாய்ப்புகளும் சவால்களும் உருவாகியுள்ளன. மேம்பட்ட தொழில்நுட்பத்தைப் பயன்படுத்துவதோடு, மனிதர்களுக்கு இடையிலான நேரடித் தொடர்பையும் பேணுவது அவசியம் என்று மூத்த ஊடகவியலாளரும் தொடர்பியல் ஆய்வாளருமான முனைவர் அன்னா ஜிஹ்யுன் யூ அவர்கள் தெரிவித்துள்ளார்.
செப்டம்பர் 11ஆம் தேதி, குய்சோன் நகரில் நடைபெற்ற முதல் ஆசிய கத்தோலிக்க எண்ணிம மறைப்பணியாளர்கள் ஒன்றுகூடலில் இடம்பெற்ற “ஆசியாவின் யதார்த்தங்களைப் புரிந்துகொள்ளுதல்” என்ற கலந்துரையாடலில் அவர் இவ்வாறு தெரிவித்தார்.
செப்டம்பர் 11 முதல் 13ஆம் தேதி வரை, குய்சோனில் உள்ள புனித திருத்தந்தை இரண்டாம் ஜான் பால் அரங்கில் நடைபெற்ற இந்த ஒன்றுகூடல், ஆசியாவின் பல்வேறு பகுதிகளில் இருந்து கத்தோலிக்க எண்ணிம மறைப்பணியாளர்கள், தொடர்புத்துறைப் பணியாளர்கள் மற்றும் உள்ளடக்க உருவாக்குநர்களை ஒன்றிணைத்தது. அதிகரித்து வரும் எண்ணிமச் சூழலில் திருஅவை எவ்வாறு நம்பிக்கையைத் தொடர்புகொள்ள வேண்டும் என்பது குறித்து அவர்கள் சிந்தித்தனர்.
தென் கொரியா மிகவும் முன்னேறிய தொழில்நுட்பக் கட்டமைப்பையும், எண்ணிம ஊடகங்களின் பரவலான பயன்பாட்டையும் கொண்டிருப்பதால், அந்நாடு முக்கியமான ஓர் எடுத்துக்காட்டு என்று முனைவர் அன்னா குறிப்பிட்டார்.
தென் கொரியர்களில் ஏறத்தாழ 94 விழுக்காட்டினர் இணையத்தைப் பயன்படுத்துகின்றனர் என்றும், மக்கள்தொகையில் ஏறத்தாழ பாதிப் பேர் செயற்கை நுண்ணறிவைப் பயன்படுத்துகின்றனர் என்றும் அவர் தெரிவித்தார்.
எனினும், அதிக எண்ணிமத் தொடர்பு இருப்பது ஆழமான மனித உறவுகளுக்கோ அல்லது சமய ஈடுபாட்டிற்கோ தானாகவே வழிவகுப்பதில்லை என்று அவர் சுட்டிக்காட்டினார்.
தென் கொரிய கத்தோலிக்கர்களில் ஒப்பீட்டளவில் குறைந்த எண்ணிக்கையிலானவர்களே ஞாயிறு திருப்பலியில் தவறாமல் பங்கேற்கின்றனர் என்றும், இதனால் திருஅவையின் உறுப்பினர் எண்ணிக்கைக்கும் அதன் அருட்சாதன வாழ்வில் பங்கேற்பதற்கும் இடையே குறிப்பிடத்தக்க இடைவெளி காணப்படுகிறது என்றும் அவர் கூறினார்.
எனவே, எண்ணிம ஊடகங்களுக்கும் பாரம்பரிய ஊடகங்களுக்கும் இடையே மட்டுமல்லாமல், தொழில்நுட்பத் தொடர்புக்கும் மனித உறவுகளுக்கும் இடையேயும் சமநிலை தேவைப்படுகிறது என்று அவர் வலியுறுத்தினார்.
தென் கொரியாவின் அனுபவம், எண்ணிமத் தொழில்நுட்பத்தைப் பயன்படுத்துவதற்கும், எண்ணிமச் சூழலுக்குள் வாழ்வதற்கும் இடையே உள்ள வேறுபாட்டையும் எடுத்துக்காட்டுகிறது.
மக்கள் தங்கள் திறன்பேசிகளைத் தொடர்புகொள்வதற்கு மட்டுமல்லாமல், பொருட்கள் வாங்குதல், கலந்துரையாடுதல் உள்ளிட்ட அன்றாட வாழ்வின் பல்வேறு தேவைகளுக்கும் அதிகமாகப் பயன்படுத்துகின்றனர்.
அதேவேளையில், எண்ணிமச் சூழல் குறிப்பாக இளையோர் மத்தியில் தனிமை உணர்வை அதிகரிக்கக்கூடும் என்றும் முனைவர் அன்னா எச்சரித்தார்.
எனவே, புதிய தொழில்நுட்பங்களை ஏற்றுக்கொள்ளும் அதேவேளையில், மனிதர்களுக்கு இடையிலான தொடர்பையும் தொடர்ந்து பேணுவது முக்கியம் என்று அவர் வலியுறுத்தினார்.
கலந்துரையாடலின்போது முனைவர் அன்னா கையால் எழுதப்பட்ட குறிப்புகளைப் பயன்படுத்தினார். இது பழைய, எண்ணிமத்திற்கு முந்தைய தொடர்பு முறையையும், மனிதத் தொடுதலின் முக்கியத்துவத்தையும் நினைவூட்டுவதாக அவர் தெரிவித்தார்.
எண்ணிமத் தளங்கள் வழியாகத் தங்கள் அன்றாட வாழ்வின் பெரும்பகுதியை முன்னெடுக்கும் மக்களுடன் திருஅவை தொடர்புகொள்ளும்போது, சரியான சமநிலையைக் கண்டறிவதே கத்தோலிக்கத் தொடர்புத்துறைப் பணியாளர்களின் சவால் என்று அவர் கூறினார்.
எண்ணிமத் தொழில்நுட்பம் நற்செய்திப் பணிக்கு குறிப்பிடத்தக்க வாய்ப்புகளை வழங்குகிறது. இன்று, தகவல்களைப் பெறுவதோடு, முன்பு தொழில்முறை ஊடக நிறுவனங்களுக்கு மட்டுமே சாத்தியமாக இருந்த வகையில் மக்கள் தாங்களே உள்ளடக்கங்களையும் உருவாக்க முடிகிறது. ஆனால், எண்ணிமத் தொடர்பு அதிகரிப்பது நேரடியான மனிதச் சந்திப்பின் தேவையை நீக்கிவிடாது.
இதன் அடிப்படையில், “உயர்தொழில்நுட்பம்” (High Tech) மற்றும் “மனிதத் தொடர்பு” (High Touch) ஆகிய இரண்டிற்கும் இடையே சமநிலை தேவைப்படுகிறது. மேம்பட்ட தொழில்நுட்பங்களைப் பயன்படுத்தினாலும், நற்செய்திப் பணியின் தனிப்பட்ட மனிதத் தொடர்பை இழந்துவிடக் கூடாது என்பதே இதன் பொருள்.
ஆசிய எண்ணிம மறைப்பணியாளர்களுக்கு தென் கொரியாவின் அனுபவம், தொழில்நுட்ப வளர்ச்சியை மட்டும் பயனுள்ள நற்செய்திப் பணியுடன் இணைத்துப் பார்க்கக் கூடாது என்பதை உணர்த்துகிறது.
செயற்கை நுண்ணறிவு, சமூக ஊடகங்கள் மற்றும் பிற எண்ணிமக் கருவிகளைப் பயன்படுத்தி திருஅவை மக்களைச் சென்றடைய முடியும். ஆனால், அதன் இறுதி நோக்கம் மனிதர்களை நேரடியாகச் சந்தித்து, அவர்களுடன் இணைந்து பயணிப்பதாகவே இருக்க வேண்டும்.
ஆசிய சமூகங்கள் தொழில்நுட்ப ரீதியாக மேலும் மேலும் இணைக்கப்பட்டு வரும் நிலையில், திருஅவையின் எண்ணிம இருப்பு, கிறிஸ்தவ சமூக வாழ்வின் அடிப்படையாக விளங்கும் மனித உறவுகளை வலுப்படுத்துவதாக இருக்க வேண்டும்; அவற்றைத் தளர்த்துவதாக இருக்கக்கூடாது என்பதே முனைவர் அன்னாவின் செய்தியாகும்.
எண்ணிம மயமாகி வரும் ஆசியாவில், பயனுள்ள நற்செய்திப் பணிக்கு தொழில்நுட்பத்தையோ மனிதத் தொடர்பையையோ தேர்ந்தெடுப்பது தேவையில்லை; மாறாக, இரண்டையும் இணைத்துச் செயல்படக் கற்றுக்கொள்வதே அவசியம் என்று அவர் வலியுறுத்தினார்.
மிகவும் நவீன எண்ணிமத் தொழில்நுட்பங்களைப் பரவலாகப் பயன்படுத்தும் தென் கொரியச் சமூகத்தில், கத்தோலிக்க நற்செய்திப் பணிக்கு புதிய வாய்ப்புகளும் சவால்களும் உருவாகியுள்ளன. மேம்பட்ட தொழில்நுட்பத்தைப் பயன்படுத்துவதோடு, மனிதர்களுக்கு இடையிலான நேரடித் தொடர்பையும் பேணுவது அவசியம் என்று மூத்த ஊடகவியலாளரும் தொடர்பியல் ஆய்வாளருமான முனைவர் அன்னா ஜிஹ்யுன் யூ அவர்கள் தெரிவித்துள்ளார்.
செப்டம்பர் 11ஆம் தேதி, குய்சோன் நகரில் நடைபெற்ற முதல் ஆசிய கத்தோலிக்க எண்ணிம மறைப்பணியாளர்கள் ஒன்றுகூடலில் இடம்பெற்ற “ஆசியாவின் யதார்த்தங்களைப் புரிந்துகொள்ளுதல்” என்ற கலந்துரையாடலில் அவர் இவ்வாறு தெரிவித்தார்.
செப்டம்பர் 11 முதல் 13ஆம் தேதி வரை, குய்சோனில் உள்ள புனித திருத்தந்தை இரண்டாம் ஜான் பால் அரங்கில் நடைபெற்ற இந்த ஒன்றுகூடல், ஆசியாவின் பல்வேறு பகுதிகளில் இருந்து கத்தோலிக்க எண்ணிம மறைப்பணியாளர்கள், தொடர்புத்துறைப் பணியாளர்கள் மற்றும் உள்ளடக்க உருவாக்குநர்களை ஒன்றிணைத்தது. அதிகரித்து வரும் எண்ணிமச் சூழலில் திருஅவை எவ்வாறு நம்பிக்கையைத் தொடர்புகொள்ள வேண்டும் என்பது குறித்து அவர்கள் சிந்தித்தனர்.
தென் கொரியா மிகவும் முன்னேறிய தொழில்நுட்பக் கட்டமைப்பையும், எண்ணிம ஊடகங்களின் பரவலான பயன்பாட்டையும் கொண்டிருப்பதால், அந்நாடு முக்கியமான ஓர் எடுத்துக்காட்டு என்று முனைவர் அன்னா குறிப்பிட்டார்.
தென் கொரியர்களில் ஏறத்தாழ 94 விழுக்காட்டினர் இணையத்தைப் பயன்படுத்துகின்றனர் என்றும், மக்கள்தொகையில் ஏறத்தாழ பாதிப் பேர் செயற்கை நுண்ணறிவைப் பயன்படுத்துகின்றனர் என்றும் அவர் தெரிவித்தார்.
எனினும், அதிக எண்ணிமத் தொடர்பு இருப்பது ஆழமான மனித உறவுகளுக்கோ அல்லது சமய ஈடுபாட்டிற்கோ தானாகவே வழிவகுப்பதில்லை என்று அவர் சுட்டிக்காட்டினார்.
தென் கொரிய கத்தோலிக்கர்களில் ஒப்பீட்டளவில் குறைந்த எண்ணிக்கையிலானவர்களே ஞாயிறு திருப்பலியில் தவறாமல் பங்கேற்கின்றனர் என்றும், இதனால் திருஅவையின் உறுப்பினர் எண்ணிக்கைக்கும் அதன் அருட்சாதன வாழ்வில் பங்கேற்பதற்கும் இடையே குறிப்பிடத்தக்க இடைவெளி காணப்படுகிறது என்றும் அவர் கூறினார்.
எனவே, எண்ணிம ஊடகங்களுக்கும் பாரம்பரிய ஊடகங்களுக்கும் இடையே மட்டுமல்லாமல், தொழில்நுட்பத் தொடர்புக்கும் மனித உறவுகளுக்கும் இடையேயும் சமநிலை தேவைப்படுகிறது என்று அவர் வலியுறுத்தினார்.
தென் கொரியாவின் அனுபவம், எண்ணிமத் தொழில்நுட்பத்தைப் பயன்படுத்துவதற்கும், எண்ணிமச் சூழலுக்குள் வாழ்வதற்கும் இடையே உள்ள வேறுபாட்டையும் எடுத்துக்காட்டுகிறது.
மக்கள் தங்கள் திறன்பேசிகளைத் தொடர்புகொள்வதற்கு மட்டுமல்லாமல், பொருட்கள் வாங்குதல், கலந்துரையாடுதல் உள்ளிட்ட அன்றாட வாழ்வின் பல்வேறு தேவைகளுக்கும் அதிகமாகப் பயன்படுத்துகின்றனர்.
அதேவேளையில், எண்ணிமச் சூழல் குறிப்பாக இளையோர் மத்தியில் தனிமை உணர்வை அதிகரிக்கக்கூடும் என்றும் முனைவர் அன்னா எச்சரித்தார்.
எனவே, புதிய தொழில்நுட்பங்களை ஏற்றுக்கொள்ளும் அதேவேளையில், மனிதர்களுக்கு இடையிலான தொடர்பையும் தொடர்ந்து பேணுவது முக்கியம் என்று அவர் வலியுறுத்தினார்.
கலந்துரையாடலின்போது முனைவர் அன்னா கையால் எழுதப்பட்ட குறிப்புகளைப் பயன்படுத்தினார். இது பழைய, எண்ணிமத்திற்கு முந்தைய தொடர்பு முறையையும், மனிதத் தொடுதலின் முக்கியத்துவத்தையும் நினைவூட்டுவதாக அவர் தெரிவித்தார்.
எண்ணிமத் தளங்கள் வழியாகத் தங்கள் அன்றாட வாழ்வின் பெரும்பகுதியை முன்னெடுக்கும் மக்களுடன் திருஅவை தொடர்புகொள்ளும்போது, சரியான சமநிலையைக் கண்டறிவதே கத்தோலிக்கத் தொடர்புத்துறைப் பணியாளர்களின் சவால் என்று அவர் கூறினார்.
எண்ணிமத் தொழில்நுட்பம் நற்செய்திப் பணிக்கு குறிப்பிடத்தக்க வாய்ப்புகளை வழங்குகிறது. இன்று, தகவல்களைப் பெறுவதோடு, முன்பு தொழில்முறை ஊடக நிறுவனங்களுக்கு மட்டுமே சாத்தியமாக இருந்த வகையில் மக்கள் தாங்களே உள்ளடக்கங்களையும் உருவாக்க முடிகிறது. ஆனால், எண்ணிமத் தொடர்பு அதிகரிப்பது நேரடியான மனிதச் சந்திப்பின் தேவையை நீக்கிவிடாது.
இதன் அடிப்படையில், “உயர்தொழில்நுட்பம்” (High Tech) மற்றும் “மனிதத் தொடர்பு” (High Touch) ஆகிய இரண்டிற்கும் இடையே சமநிலை தேவைப்படுகிறது. மேம்பட்ட தொழில்நுட்பங்களைப் பயன்படுத்தினாலும், நற்செய்திப் பணியின் தனிப்பட்ட மனிதத் தொடர்பை இழந்துவிடக் கூடாது என்பதே இதன் பொருள்.
ஆசிய எண்ணிம மறைப்பணியாளர்களுக்கு தென் கொரியாவின் அனுபவம், தொழில்நுட்ப வளர்ச்சியை மட்டும் பயனுள்ள நற்செய்திப் பணியுடன் இணைத்துப் பார்க்கக் கூடாது என்பதை உணர்த்துகிறது.
செயற்கை நுண்ணறிவு, சமூக ஊடகங்கள் மற்றும் பிற எண்ணிமக் கருவிகளைப் பயன்படுத்தி திருஅவை மக்களைச் சென்றடைய முடியும். ஆனால், அதன் இறுதி நோக்கம் மனிதர்களை நேரடியாகச் சந்தித்து, அவர்களுடன் இணைந்து பயணிப்பதாகவே இருக்க வேண்டும்.
ஆசிய சமூகங்கள் தொழில்நுட்ப ரீதியாக மேலும் மேலும் இணைக்கப்பட்டு வரும் நிலையில், திருஅவையின் எண்ணிம இருப்பு, கிறிஸ்தவ சமூக வாழ்வின் அடிப்படையாக விளங்கும் மனித உறவுகளை வலுப்படுத்துவதாக இருக்க வேண்டும்; அவற்றைத் தளர்த்துவதாக இருக்கக்கூடாது என்பதே முனைவர் அன்னாவின் செய்தியாகும்.
எண்ணிம மயமாகி வரும் ஆசியாவில், பயனுள்ள நற்செய்திப் பணிக்கு தொழில்நுட்பத்தையோ மனிதத் தொடர்பையையோ தேர்ந்தெடுப்பது தேவையில்லை; மாறாக, இரண்டையும் இணைத்துச் செயல்படக் கற்றுக்கொள்வதே அவசியம் என்று அவர் வலியுறுத்தினார்.
Daily Program
