இயேசுவுக்காக வாழ்வை அர்ப்பணிக்கும் மறைப்பணிச் சீடர்கள்! : திருத்தந்தை பதினான்காம் லியோ | Veritas Tamil
நவம்பர் 15, ஞாயிற்றுக்கிழமையன்று, பெரு நாட்டின் குஸ்கோ மற்றும் புகல்பா நகரங்களில் பல்வேறு நிகழ்வுகளில் பங்கேற்ற பின்னர், லிமா நகருக்குத் திரும்பிய திருத்தந்தை பதினான்காம் லியோ அவர்கள், திருப்பீடத் தூதரகத்தில் தமக்காகக் காத்திருந்த இறைமக்களைச் சந்தித்து, அவர்களின் அன்பான வரவேற்புக்கு நன்றி தெரிவித்தார்.
அப்போது உரையாற்றிய திருத்தந்தை, “மறைப்பணிச் சீடர்களாக இருப்பதும், இயேசு கிறிஸ்துவுக்காக நமது வாழ்வை அர்ப்பணிப்பதும், நற்செய்தியின் நற்செய்தியை அறிவிப்பதும் எத்துணை அழகானவை!” என்று எடுத்துரைத்தார். அங்கு கூடியிருந்த மக்களின் வருகை, அவர்கள் திருஅவையுடனும் கிறிஸ்துவுடனும் ஒன்றிணைந்து வாழ விரும்புவதைக் காட்டுவதாகவும் குறிப்பிட்டார்.
தொடர்ந்து, அங்கு வந்திருந்த இறைமக்கள் கொண்டு வந்திருந்த சிலுவைகள், செபமாலைகள் உள்ளிட்ட பக்திப் பொருள்களுக்கு ஆசி வழங்கிய திருத்தந்தை, நோயுற்றோர் மற்றும் முதியோருக்குச் சிறப்பு ஆசியையும் வழங்கினார். இளைஞர்களுக்காகவும் தனிப்பட்ட முறையில் இறைவேண்டல் செய்தார்.
இளைஞர்களை நோக்கிப் பேசிய திருத்தந்தை, “நீங்கள் நம்பிக்கையின் அடையாளமாகத் திகழ்கிறீர்கள். நம்பிக்கையை ஒருபோதும் இழந்துவிடாதீர்கள். உங்கள் மீதும், பெரு நாட்டின் மீதும், எல்லாவற்றிற்கும் மேலாக இயேசு கிறிஸ்துவின் மீதும் நம்பிக்கை கொள்ளுங்கள்” என்று ஊக்கமளித்தார். இறுதியாக, “கிறிஸ்து வாழ்க! கன்னி மரியா வாழ்க! கத்தோலிக்கத் திருஅவை வாழ்க!” என்று கூறித் தனது வாழ்த்துகளைத் தெரிவித்தார்.
