செப்டம்பர் 5-ம் தேதி ஜகார்த்தாவில் உள்ள இஸ்திக்லால் மசூதியில் நடந்த மதங்களுக்கு இடையிலான கூட்டத்தில் திருத்தந்தை பிரான்சிஸ் கலந்து கொண்டு கத்தோலிக்கம், இஸ்லாம், பௌத்தம், இந்து மதம், கன்பூசியனிசம் மற்றும் புராட்டஸ்டன்டிசம் ஆகியவற்றின் பிரதிநிதிகளிடம் பேசிய அவர், "நட்பு, கவனிப்பு மற்றும் பரஸ்பர உறவுகளை" வளர்ப்பதற்கு துன்பங்களுக்கு மத்தியில் நெருங்கிய தொடர்புகளை உருவாக்க அவர்களை அழைத்தார் திருத்தந்தை பிரான்சிஸ்.
இந்த உறவுகள் நம்மை மற்றவர்களுடன் இணைக்கின்றன, ஒன்றாக உண்மையைத் தேடுவதற்கும், மற்றவர்களின் மத பாரம்பரியத்திலிருந்து கற்றுக்கொள்வதற்கும், நமது மனித மற்றும் ஆன்மீகத் தேவைகளைப் பூர்த்தி செய்வதற்கும் ஒன்றிணைவதற்கும் நம்மை அனுமதிக்கிறது என்றும் நம்பிக்கைகளில் வேறுபாடுகள் இருந்தபோதிலும் தங்கள் ஒற்றுமையை வலுப்படுத்த எப்போதும் ஆழமாகப் பார்க்க வேண்டும் என்று திருத்தந்தை அவர்களுக்கு வலியுறுத்தினார்.
இந்தோனேசியாவின் "மிகவும் விலைமதிப்பற்ற பொக்கிஷம்" என்று அவர் விவரித்த மத நல்லிணக்கத்தையும் புரிந்துணர்வையும் நிலைநிறுத்துவதற்கான உறுதியைஇளைஞர்களும் அணுக வேண்டும் என்றும்,அடிப்படைவாதம் மற்றும் வன்முறையின் கவர்ச்சிக்கு யாரும் அடிபணிய வேண்டாம். மாறாக சுதந்திரம், சகோதரத்துவம்,அமைதியான சமுதாயம் மற்றும் மனித நேயத்தின் கனவைக் கண்டு அனைவரும் திகைக்கட்டும்! என்றும் உரைத்தார்.
ஆசியாவிலேயே மிகப் பெரிய மசூதிக்கு திருத்தந்தை பிரான்சிஸ் மேற்கொண்ட பயணம், கிராண்ட் இமாம் நசருதீன் உமருடன் “மனிதநேயத்திற்காக மத நல்லிணக்கத்தை வளர்ப்பது” என்ற கூட்டு ஆவணத்தில் கையெழுத்திட்டதன் மூலம் நிறைவடைந்தது.
இஸ்திக்லால் மசூதியை ஜகார்த்தாவின் கத்தோலிக்க கதீட்ரல் ஆஃப் விண்ணேற்பு அன்னை தேவாலயத்துடன் இணைக்கும் வகையில் புதிதாக கட்டப்பட்டுள்ள நிலத்தடி சுரங்கப்பாதையையும் திருத்தந்தை பிரான்சிஸ் பார்வையிட்டார். "நட்பின் சுரங்கப்பாதை" என்று அழைக்கப்படும் இது கத்தோலிக்கர்களுக்கும் முஸ்லிம்களுக்கும் இடையிலான பரஸ்பர புரிதலின் உறுதியான அடையாளமாக இந்தோனேசிய அரசாங்கத்தால் கட்டப்பட்டது.
“சில சமயங்களில் மதங்களுக்கிடையேயான சந்திப்பு என்பது வெவ்வேறு மதக் கோட்பாடுகள் மற்றும் நம்பிக்கைகளுக்கு இடையே பொதுவான நிலையைத் தேடுவது என்று நாம் நினைக்கிறோம் உண்மையில் நம்மை நெருக்கமாகக் கொண்டுவருவது பன்முகத்தன்மையின் மத்தியில் ஒரு தொடர்பை உருவாக்குவது, நட்பு, கவனிப்பு மற்றும் உறவுகளை வளர்ப்பது. பரஸ்பரம்,” என்று திருத்தந்தை பிரான்சிஸ் கூறினார்.
Daily Program
