மலைப்பன்றோ !!! மலையின் மகத்துவம் | எழுத்து அருட்சகோதரி செலஸ்டி சலேஸ் SSAM மீஞ்சூர் | Veritas Tamil

 மலைப்பன்றோ !!! மலையின் மகத்துவம்

மலையின்...

            அழகில் அன்பானவராய், 

            அருவியில் அழகானவராய், 

            அமைதியில் தூதுவராய்                                    - திகழ்கின்றாய் இறைவா

மலையின்...

           பசுமையில் பாசமானவராய்,

          பனிவிரிப்பில் பரிசுத்தமானவராய்,

          பாறையில் ஈரமுள்ளவராய்                                   - இருக்கின்றாய் இறைவா

மலையின்...

         மலர்களில் மணம்சேர்ப்பவராய்,

         கனிகளில் வண்ணம் சேர்ப்பவராய்,

        மரங்களில் நிறம் சேர்ப்பவராய்                            - திகழ்கின்றாய் இறைவா

மலையின்...

         உயிர்களில் உயிரளிப்பவராய்,

        மூலிகையில் குணமளிப்பவராய்,

        மேகங்களில் வளமருள்பவராய்                           - இருக்கின்றாய் இறைவா

மலையின்...

         தேனில் சுவையூட்டுபவராய், 

         இல்லங்களில் உடனிருப்பவராய்,

         பள்ளங்களில் பராமரிப்பவராய்                       - திகழ்கின்றாய் இறைவா

மலையின்...

         தென்றலில் தேற்றுபவராய்,

        குளிரில் அரவணைப்பவராய்,

        கோடையில் நிழல் தருபவராய்                        - இருக்கின்றாய் இறைவா

மலையின்...

         பயணத்தில் இதமளிப்பவராய்,

         வளைவில் அரணானவராய்,

         சறுக்களில் கரம்கொடுப்பவராய்                   - திகழ்கின்றாய் இறைவா

மலையின்...

       ஒழுக்குநீரில் தூய்மையானவராய்,

        பாறையில் ஊற்றானவராய்,

        நிசப்தத்தில் எதிரொலிப்பவராய்                             - இருக்கின்றாய்இறைவா

மலையின்...

         இயற்கையில் இணைப்பாளராய்,

         பகலில் மேகத்தூணாய்,

         இரவில் நெருப்புத்தூணாய்                                      - திகழ்கின்றாய் இறைவா

 மலையின்...

         பக்தனில் அருளளிப்பவராய்,

         சித்தனில் ஞானமருள்பவராய்,

         கோவிலில் ஆசீரளிப்பவராய்                                - திகழ்கின்றாய் இறைவா 

இறைவா நீர், உயிர்களின் சங்கமமாய், உணவாய், எல்லையாய், பூமிகளுக்கு அழகு சேர்க்கும் ஆபரணமாய், மழைதரும் மேகமாய், கண்கவர் வண்ணமாய் கம்பீரமாய் புகழோடு நன்றாய் ! இறைவா ! போற்றி! போற்றி ! நிற்கின்றீர் ! இறைவா நீர் குன்றாய் நிற்கின்றாய்.

எழுத்து

அருட்சகோதரி செலஸ்டி சலேஸ் SSAM மீஞ்சூர்