ஒவ்வொரு வருடமும் கடலில் கலக்கும் 70,000 டன் விஷக்கழிவுகள் || Veritas Tamil

ஒவ்வொரு ஆண்டும் 70,000 டன் தீங்கு விளைவிக்கும் இரசாயனங்கள் பண்ணைகளில் இருந்து நீர்நிலைகளில் கலந்து  அவை  கடல் நீரில் கலக்கின்றன.  பூச்சிக்கொல்லிகளில் இருந்து செயல்படும் இந்த விஷக்கழிவுகள்  அவை பயன்படுத்தப்படும் விவசாய நிலங்களிலிருந்து வெகுதூரம் பயணித்து, பெருங்கடல்களை அடைகின்றன

பூச்சிக்கொல்லிகளில் இருந்து வரும் தீங்கு விளைவிக்கும் இரசாயனங்கள் பண்ணைகளைச் சுற்றியுள்ள மண் மற்றும் தண்ணீரை மாசுபடுத்துவது மட்டுமல்லாமல், ஆறுகள் மற்றும் கடல்களையும் சென்றடைகிறது. இது நீர்வாழ் சுற்றுச்சூழல் அமைப்புகளையும், மனித ஆரோக்கியத்தையும் பாதிக்கிறது மற்றும் நன்னீர் முக்கிய ஆதாரங்களையும் மாசுபடுத்துகிறது. 

உலகளவில், ஒவ்வொரு ஆண்டும் சுமார் 70,000 டன்கள் தீங்கு விளைவிக்கும் இரசாயனங்கள் நீர்நிலைகளுக்குள் நுழைகின்றன என்று நேச்சர் இதழில் வெளியிடப்பட்ட அறிக்கை காட்டுகிறது. தரவுகளின் அடிப்படையில்  92  பூச்சிக்கொல்லிகளின் புவியியல் விநியோகத்தின் அடிப்படையில் தீங்கு விளைவிக்கும் பூச்சிக்கொல்லிகள் என்று வரையறை செய்யப்பட்டுள்ளது. 

வயல்களில் பயன்படுத்தப்படும் பூச்சிக்கொல்லிகளின் ஒரு சிறிய பகுதி ஆறுகளை சென்றடைகிறது. அளவு சிறியதாக இருந்தாலும், பெரும்பாலான செயலில் உள்ள இந்த விஷக்கழிவுகள்  பெருங்கடல்களில் முடிவடைந்து, கடல்வாழ் உயிரினங்கள் மற்றும் பவளப்பாறைகளை அச்சுறுத்துகின்றன. "இது கடல் மற்றும் நன்னீர் உணவு சங்கிலிகளின் அடிப்படையை ஆபத்தில் ஆழ்த்துகிறது" என்று சுற்றுசூழல் ஆய்வாளர்கள்  தெளிவுப்படுத்தியுள்ளனர்.

சுமார் 13,000 கிலோமீட்டர் ஆறுகளில் உள்ள இரசாயன செறிவுகள் பல நீர்வாழ் தாவரங்கள் மற்றும் முதுகெலும்பில்லாத உயிரினங்களுக்கான பாதுகாப்பு வரம்புகளை தாண்டியதாக ஆய்வில் குறிப்பிடப்பட்டுள்ளது. 

80 சதவிகிதம் பூச்சிக்கொல்லிகள் பயிரைச் சுற்றியுள்ள மண்ணில் சிதைந்தாலும், மூலப்பொருளைப் போலவே துணை தயாரிப்புகளும் தீங்கு விளைவிக்கும் என்றும் குறிப்பிட்டுள்ளனர். 

பூச்சிக்கொல்லிகளின் இந்த சிதைவு பெரும்பாலும் சுற்றுச்சூழலுக்குள் மூலக்கூறுகளின் 'கேஸ்கேட்' ஆக நிகழ்கிறது, இது சுற்றுச்சூழலில் நீண்ட நேரம் நிலைத்திருக்கும் மற்றும் தாய் மூலக்கூறு அல்லது பயன்படுத்தப்பட்ட பூச்சிக்கொல்லியைப் போலவே தீங்கு விளைவிக்கும். 

மரபணு மாற்றம் செய்யப்பட்ட  பூச்சிக்கொல்லிகள் மற்றும் மீன்வளர்ப்பு, தனியார் குடியிருப்புகள் மற்றும் பொது இடங்களில் பயன்படுத்தப்படும் பல இரசாயனங்கள் சுழற்சி முடிந்து அவற்றில்  இருந்து கழிவுகள் வெளியேறுவதாக   விஞ்ஞானிகள் தெரிவிக்கின்றனர்.இதன் பொருள் சுற்றுச்சூழல் அமைப்புகளில் பூச்சிக்கொல்லிகளின் உண்மையான தாக்கம் மிக ஆபத்தானது  என்று அவர்கள் மேலும் தெரிவித்தனர். 

பூச்சிக்கொல்லிகளின் பயன்பாட்டைக் குறைத்து, கண்காணிப்பை வலுப்படுத்துவதே தீர்வு என்று சுற்றுசூழல் ஆர்வலர்கள் தெரிவித்துள்ளனர். பூச்சிக்கொல்லி மாசுபாட்டைக் குறைப்பதற்கான இலக்குகள், அளவு மற்றும் நச்சுத்தன்மையைக் குறைப்பது உட்பட ஆபத்தைக் குறைப்பதில் கவனம் செலுத்த வேண்டும், ஏனெனில் சில உயிரினங்கள் குறைந்த அளவில் பயன்படுத்தப்பட்டாலும் கூட, மிகவும் நச்சு மிகுந்த பூச்சிக்கொல்லிகளால் அதிக ஆபத்தில் உயிரளிக்கும் அபாயம் உள்ளது  என்று ஆராய்ச்சியாளர்கள் தெரிவிக்கின்றனர். 

_அருள்பணி வி.ஜான்சன் SdC

(Source from Down To Earth)