கோடை விடுமுறையைத் துவங்குகிறார் திருத்தந்தை லியோ.
கோடை விடுமுறையைத் துவங்கும் திருத்தந்தை லியோவை காஸ்டல் காண்டால்போவில் வரவேற்கிறோம்!
திருத்தந்தை லியோ XIV தனது கோடை விடுமுறையின் தொடக்கத்தில் ஞாயிற்றுக்கிழமை பிற்பகல் காஸ்டல் காண்டால்போவிற்கு வருகிறார். அங்கு துறவற சபை அருட்சகோதரிகள் உட்பட ஒரு பெரிய விசுவாசி குழு அவரை வரவேற்றது.
திருத்தந்தை வருவதற்கான அறிகுறி:
வாயில் திறந்து இரண்டு சுவிஸ் காவலர்கள் வெளியேறும். பின்னர் மலையின் அடிவாரத்தில் இருந்து மோட்டார் சைக்கிள் என்ஜின்களின் இரைச்சல் சத்தமும், கருமை நிற வண்டியும், தோன்றின. பின்னர், திருத்தந்தை வெளியே வந்து, வெயிலில் நின்ற நீண்ட வரிசையை வரவேற்கும் வரை காத்திருந்தார். இன்று காலை குறைந்தது இரண்டு மணி நேரமாவது வரிசையில் நின்றிருந்தனர். மாலை 5 மணியளவில், திருத்தந்தை லியோ XIV உரோமில் இருந்து 25 கி.மீ தொலைவில் உள்ள போப்ஸின் கோடைகால இல்லமான காஸ்டல் காண்டால்ஃபோவை அடைந்தார். அங்கு அவர் ஜூலை 20 வரை கோடை ஓய்வில் கழிப்பார். பின்னர் ஆகஸ்ட் மாதத்தில் சில நாட்கள் மீண்டும் ஓய்வெடுப்பார்.
காஸ்டல் காண்டால்போவிற்கு போப்பின் வருகையை வரவேற்கும் கூட்டம்.
திருத்தந்தை பிரான்சிஸால் பொதுமக்களுக்குத் திறந்து வைக்கப்பட்ட அப்போஸ்தலிக்க அரண்மனை அமைந்துள்ள பிரதான சதுக்கத்தில், வாழ்க்கை சில மணிநேரங்கள் அமைதியாகக் கடந்து சென்றது: சுற்றுலாப் பயணிகள் காபி பார்கள் மற்றும் உணவகங்களில் அமர்ந்திருந்தனர். கடைகளைப் பார்வையிட்டனர். அருங்காட்சியக வளாகத்திலிருந்து வந்து சென்று கொண்டிருந்தனர். இவை அனைத்தும் மாலை 4.30 மணி வரை திருத்தந்தை உரோமில் இருந்து காஸ்டல் காண்டால்ஃபோவுக்குச் செல்வார் என்று அறியப்பட்ட நேரம். பின்னர் மக்கள் திருத்தந்தை தங்கியிருக்கும் பழங்கால கட்டிடமான வில்லா பார்பெரினியின் நுழைவாயிலை நோக்கி நகரத் தொடங்கினர். தெருவின் இருபுறமும் போலீசார், பத்திரிகையாளர்கள், உள்ளூர்வாசிகள், பிற சுற்றுலாப் பயணிகள், குடும்பங்கள் மற்றும் பல்வேறு அருட்சகோதரிகளின் குழுக்கள் ஏற்கனவே கூடியிருந்த பெரிய கூட்டத்தினருடன் சேர்ந்தனர்.
வரலாற்று மையத்திற்குச் செல்லும் சாலையான சலிடா டி சாண்ட்'அன்டோனியோவின் அடிவாரத்தில் மோட்டார் வாகன அணிவகுப்பு கடந்து செல்வதற்காக மற்ற குழுக்கள் காத்திருந்தன. அல்பானோ ஏரியைப் பார்த்து, பார் எட்டோவில், வெள்ளை எழுத்துக்களுடன் ஒரு கருமைநிற பலகையில் எழுதப்பட்டது: "திருத்தந்தை லியோவை வரவேற்கிறோம்". அங்கு அருட்சகோதரிகளின் குழு ஒன்று அவரது வருகைக்காக காத்திருந்து.
திருத்தந்தையின் வருகையும், விசுவாசிகளின் வரவேற்பும்
திருத்தந்தையின் வாகனம் கடந்து செல்லும்போது கைதட்டல்களும் கோஷங்களும் எழுந்தன. மேலே குறிப்பிட்டுள்ளபடி, வில்லா பார்பெரினியின் நுழைவாயிலிலிருந்து சில மீட்டர் தொலைவில், திருத்தந்தை வாகணத்தை நிறுத்திவிட்டு உடனடியாக மக்களை நோக்கிச் சென்றார். அவர்கள் ஒரு பக்கத்திலிருந்தும் மறு பக்கத்திலிருந்தும் "திருத்தந்தை லியோ!" "எங்களின் மதிப்பிற்குரியவரே!" " திருதந்தையே!" என்று அழைத்தனர். அவரது முதல் செயல் பெற்றோர்களின் கரங்களில் இருந்த குழந்தைகளை ஆசீர்வதிப்பதாக இருந்தது. பின்னர் அவர் சில வயதான பெண்களை வரவேற்றார். அவர்களில் உரோமில் விடுமுறையில் இருந்த ஜராகோசாவைச் சேர்ந்த ஸ்பானிஷ் பெண்மணியான கான்சிட்டாவும் இருந்தார். திருத்தந்தையின்கையைக் குலுக்கி, "நான் உங்களை மிகவும் நேசிக்கிறேன்" என்று சொன்னார்.
காஸ்டல் காண்டால்போவிற்கு வந்தடைந்த விசுவாசிகளை திருத்தந்தை லியோவை வாழ்த்துகிறார்கள்.
ஜூலை 13 ஞாயிற்றுக்கிழமை லாசியோ நகராட்சியில் திருத்தந்தை தனது முதல் பொது ஈடுபாட்டை நிறைவேற்றும் வில்லனோவாவின் புனித தாமஸின் போலந்து ஆலயத்தின் அருட்தந்தை டான் டேடியஸ் ரோஸ்மஸும் கலந்து கொண்டார். "இது ஒரு எதிர்பாராத சந்திப்பு. திருதந்தை எங்களை வரவேற்றார். அவருக்காக நாங்கள் காத்திருந்ததை மிகப்பொரும் காரியமாக கருதினார். சிறிது நேரம் எங்களுடன் பேசுவதற்காகமகிழ்ச்சி அடைந்தார். திருத்தந்தை மிகவும் திறந்த மனதுடனும், மிகவும் அன்பானவராகவும், புன்னகைத்தவராகவும் இருந்தார்."
ஒரு ஆச்சரியமான தோற்றம்
வாயில் மூடப்பட்டதும், கூட்டம் சதுக்கத்தையும் ஏரிப் பகுதியையும் நோக்கிக் கலைந்து செல்லத் தொடங்கியதும், ஒரு பெண்ணின் அழுகை அனைவரின் கவனத்தையும் ஈர்த்தது. திருத்தந்தை லியோ திடீரென்று வில்லாவின் பால்கனியில் தோன்றினார். வத்திக்கான் நகரத்தின் மஞ்சள் மற்றும் வெள்ளைக் கொடிக்குப் பின்னாலும், ஐவி பூசப்பட்ட மரப் பலகைகளுக்குப் பின்னாலும், திருத்தந்தை தெருவில் இருந்த மக்களை நோக்கி கையசைத்தார். ஸ்மார்ட்போன்கள் மற்றும் கேமராக்களால் அழியாத சில தருணங்கள் மிகுந்த உற்சாகத்துடன் இருந்தன.காஸ்டல் காண்டால்போவில் உள்ள வில்லா பார்பெரினிக்கு தனது வருகைக்குத் தயாராகி வந்த அனைவருக்கும் திருத்தந்தை லியோ நன்றி தெரிவித்தார்.
அருட்சகோதரிகள்:
'நாங்கள் ஜெபத்தில் உங்களுடன் நெருக்கமாக இருக்கிறோம்'
பால்கனிக்கு நேர் கீழே கொலம்பியாவில் நிறுவப்பட்டு உரோமில் அமைந்துள்ள ஒரு சபையான சாக்ரடா ஃபேமிலியாவின் சகோதரிகள் என்ற நான்கு அருட்சகோதரிகளின் குழு இருந்தது. ரோமில் இருந்துஇ மரியா டெலீட் டி லாஸ் சாண்டோஸ், மரியா ரெஜினா பேசிஸ், மரியா ஜோஸ் (பியூராவைச் சேர்ந்த பெருவியன்) மற்றும் மரியா மேஸ்ட்ரா ஓரன்டே ஆகியோர் மூவேளை செபத்திற்கு பிறகு உடனடியாக புறப்பட்டு திருத்தந்தையை அருகில் வந்து வரவேற்றனர். "திருத்தந்தை தமது வாகணத்திலிருந்து இறங்கி சகோதரிகளை சந்தித்ததை நினைத்து சகோதரிகள் மகிழ்ச்சி அடைந்தார்கள். அவர்கள் திருத்தந்தையுடன் கைகுலுககி வாழ்த்து தெரிவித்தார்கள். இன்று மதியம் தனது விடுமுறையைத் தொடங்கும் லியோ XIV-க்கு, நாங்கள் உங்களை காஸ்டல் காண்டால்ஃபோவிற்கு வரவேற்கிறோம். உங்கள் கருத்துகளுக்ககாகவும் நல்ல ஓய்வுக்காகவும் ஜெபிக்கிறோம். உங்களின் பணிவாழ்விற்க்கும் எங்களின் செபங்கள் என்று கூறி வாழ்த்தினர்.
Daily Program
