உலகில் விசுவாசத்தின் தீப்பொறியாக இருங்கள்
சென்னையிலுள்ள புனித தோமையார் மலையின் தேசிய திருத்தலம் பேராலயமாக உயர்த்தப்பட்டுள்ளது.
சென்னை, ஜூலை 3, 2025, ஜூலை 3 ஆம் தேதி புனித தோமையார் மலையின் உச்சியில் இந்திய கத்தோலிக்க திருஅவைக்கு ஒரு தீர்க்கமான தருணம் வெளிப்பட்டது. புனித தோமையாரின் தேசிய ஆலயம் புனித ஆட்சிக் குழுவின் ஆணையால் ஒரு சிறிய பேராலயமாக உயர்த்தப்பட்டது. இயேசுவின் சிடரும் திருத்தூதருமான புனித தோமாவின் திருநாளில் நடைபெற்ற இந்த வரலாற்று நிகழ்வு, இந்திய மண்ணுக்கு நற்செய்தியைக் கொண்டு வந்து இங்கு மறைசாட்சியாக மரித்த அப்போஸ்தலரின் புனித நினைவைக் கௌரவித்தது.
இந்தியா மற்றும் நேபாளத்திற்கான திருத்தந்தையின் இந்தியத் தூதர் மேதகு பேராயர் லியோபோல்டோ கிரில்லி, அன்றைய நிகழ்வுகளுக்குத் தலைமை தாங்கி, திருத்தந்தை லியோ XIV இன் மகிழ்ச்சி, ஆசீர்வாதம் மற்றும் தந்தை வழி பாசத்தை வெளிப்படுத்தினார். ஆயிரக்கணக்கான விசுவாசிகள், கர்தினால்கள், பேராயர்கள், ஆயர்கள், அருட்தந்தையர்கள், சமய அரசியல் தலைவர்கள் மற்றும் நம்பிக்கை, பாரம்பரியம் மற்றும் தேசிய பெருமையின் உணர்வில் கூடினர்.
ஒரு பசிலிக்கா பிறந்தது
பிரமாண்டமாக புதுப்பிக்கப்பட்ட பேராலயத்தை அர்ச்சித்து புனிதப்படுத்தும் நிகழ்வுடன் கொண்டாட்டம் தொடங்கியது. இங்கு அமைந்துள்ள இரத்தம் வழியும் புனித திருச்சிலுவையானது, புனித தோமையாரால் செதுக்கப்பட்டதாக வணங்கப்படுகிறது. புனித தோமையாரின் தியாகத்தை நினைவுகூரப்படும் டிசம்பர் 18 ஆம் தேதி, இந்த சிலுவை அற்புதமாக இரத்தம் கசிந்ததாக பாரம்பரியம் கூறுகிறது.
அன்று காலை, ஒரு தனிப்பட்ட திருநிகழ்வில், ஆலயத்தை மேற்பார்வையிடும் செங்கல்பட்டு மறைமாவட்டத்தின் ஆயர் மேதகு டாக்டர் நீதிநாதன், தேவாலயத்தின் புதிய பலிபீடத்தை அர்ச்சித்தார்.
திருப்பலிக் கொண்டாட்டத்தின் போது பேராலயத்தை அதிகாரப்பூர்வமாக உயர்த்தப்பட்டதை குறித்து அறிவிக்கப்பட்டது. புனித ஆணை மற்றும் திருச்சட்டக்கழகத்தின் தலைவர் கர்தினால் ஆர்தர் ரோச் வெளியிட்ட புனித ஆணையை, சென்னை-மயிலை உயர் மறைமாவட்டத்தின் பேராயரும் தமிழ்நாடு ஆயர் மன்றத்தின் தலைவருமான பேராயர் ஜார்ஜ் அந்தோணிசாமி ஆங்கிலத்தில் சத்தமாக வாசித்தார். அதைத் தொடர்ந்து ஆயர் நீதிநாதன் அதன் தமிழ் மொழிபெயர்ப்பை வாசித்தார்.
புதிதாக அறிவிக்கப்பட்ட பேராலயத்தில் வானவர் கீதம் பாடிய போது திருத்தந்தையின் இந்தியத்தூதர் மறைமாவட்ட ஆயரிடம் ஆணையை ஒப்படைத்தார். இது பல ஆண்டுகால தொலைநோக்கு, கனவு மற்றும் செபம் ஆகியவற்றின் உச்சக்கட்டத்தைக் குறிக்கிறது.
ஜெபத்தால் மறுபிறவி எடுத்த தேவாலயங்கள்
மலையில் புதுப்பிக்கப்பட்ட மற்ற மூன்று தேவாலயங்களும் ஆசீர்வதிக்கப்பட்டதால், அந்த நாள் புனித அடையாளங்களால் நிறைந்திருந்தது:
- ஹைதராபாத் பேராயர் கர்தினால் அந்தோணி பூலா ஆலயத்தின் திருத்தலத்தின் பாதுகாவலியான எதிர்பார்ப்புகளின் அன்னையின் தேவாலயத்தை ஆசீர்வதித்து திறந்து வைத்தார்.
- பம்பாயின் பேராயர் முன்னால் கர்தினால் ஓஸ்வால்ட் கிரேசியஸ், புனித தாமஸின் தேவாலயத்தை ஆசீர்வதித்து மீண்டும் திறந்தார்.
- புதிதாகப் புதுப்பிக்கப்பட்ட நற்கருணை தேவாலயத்தை ஆசீர்வதித்த பேராயர் ஜார்ஜ் அந்தோணிசாமி, விசுவாசிகள் அமைதியாக இருந்து இறைமகன் இயேசுவை ஆராதிக்க வேண்டும் என அழைப்புவிடுத்தார்.
தனது மறையுரையில், பேராயர் கிரெல்லி திருந்தந்தை லியோ XIV இன் இதயப்பூர்வமான ஆசீர்வாதங்களை வழங்கினார். இந்த புதிதாக அர்ச்சிக்கப்பட்ட பேராலயம் "இறைவன் மீது நம்பிக்கை வைத்து இங்கு வரும் விசுவாசிகள் அனைவருக்கும் அமைதி, புத்துணர்வு மற்றும் அன்பைக் கொண்டுவரும்" என்று நம்பிக்கை தெரிவித்தார்.
புனித தாமஸின் முன்மாதிரியை வலியுறுத்தி விசுவாசிகளுக்கு நான்கு கருத்துகளை வழங்கினார்:
1. "சந்தேகப்படாதீர்கள், இயேசுவை நம்புங்கள்."
2. "இயேசுவுக்காக உங்கள் உயிரைத் தியாகம் செய்யத் தயாராக இருங்கள்." - ஒருவேளை வரவிருக்கும் காலத்தில் - இயேசுவுக்காக நம்மைத் தியாகம் செய்யத் தயாராக இருக்க வேண்டும்" என்று அவர் பணிவுடன் கூறினார்.
3. "இயேசுவை எப்போதும் பின்பற்றுங்கள், ஏனென்றால் அவரே வழியும், உண்மையும், வாழ்வும் ஆவார்.
4. "உயிர்த்தெழுந்த கிறிஸ்துவுடன் இருங்கள்-குறிப்பாக நற்கருணையில் வீற்றிருக்கும் கிறிஸ்துவுடன் இருங்கள்.
" உலகில் விசுவாசத்தின் தீப்பொறியாக இருங்கள் " என்று விசுவாசிகளை வலியுறுத்தி தனது உரையை நிறைவு செய்தார் . அவரது செய்தி ஆழ்ந்த ஆன்மீக உணர்வுகளுடன் பெறப்பட்டது. மற்றும் வேலூர் மறைமாவட்டத்தின் ஆயர் பி. சௌந்தரராஜு அம்ப்ரோஸ் அவர்களால், கர்தினால் அவர்களின் மறையுரை மொழிப் பெயர்க்கப்பட்டது. விசுவாசத்தை கட்டியெழுப்பும் இந்த செய்தி எல்லா விவசுவாசிகளும் புரிந்துக்கொள்ளும் விதத்தில் பகிரப்பட்டது.
நன்றியுணர்வு மற்றும் ஒற்றுமை
தனது தொடக்க உரையில், வரலாற்றுச் சிறப்புமிக்க இடத்தின் புதுப்பித்தல் மற்றும் மேய்ப்பு பராமரிப்பை வழிநடத்தியதற்காக ஆயர் நீதிநாதன் மற்றும் பேராலயத்தின் அதிபர் தந்தை ஏ.டி. மைக்கேல் ஆகியோரை திருத்தந்தையின் இந்தியத்தூதர் லியோபோல்டோ கிரில்லி பாராட்டினார். தழிழக ஆயர் பேரவையின் ஆலோசகர் பேராயர் ஜார்ஜ் அந்தோணிசாமி அவர்களின் தொலைநோக்கு பார்வையும், அவரது வழிகாட்டுதலும் பேராலயமாக உயர்த்தப்பட முக்கிய பங்கு வகித்ததாக அவர் பாராட்டினார்.
இந்த நிகழ்வில் அரசியல்வாதிகள், அமைச்சர்கள், அரசு அதிகாரிகள் மற்றும் பிரமுகர்கள் என ஆயிரக்கணக்கான விசுவாசிகள் கலந்து கொண்டனர். ஆலய அர்ச்சிப்பு மற்றும் புனிதரின் திருவிழா திருப்பலி சிறப்பாகக் கொண்டாடப்பட்டது. மேலும் பேராலயத்தின் ஆலயமணிகள் சென்னையில் எதிரொலிக்கும்போது, புனித தோமையார் ஒரு காலத்தில் இந்த மண்ணில் செய்தது போல, உயிர்த்தெழுந்த கிறிஸ்துவின் சாட்சிகளாக வாழ விசுவாசிகள் உற்சாகமான இதயங்களுடனும், புதுப்பிக்கப்பட்ட பணி உணர்வுடனும் புறப்பட்டார்கள்
Daily Program
