தமிழ்நாடு கத்தோலிக்க இளைஞர் இயக்கம் “மாற்றத்திற்காக: 100 சிந்தனையாளர்கள்” என்ற தலைப்பில் பணிப்பகிர்வு! | Veritas Tamil

தமிழ்நாடு மறைமாவட்ட ஆயர்கள் பேரவையின் இளைஞர் ஆணையத்தின் கீழ் செயல்படும் தமிழ்நாடு கத்தோலிக்க இளைஞர் இயக்கம் (TCYM), தனது தலைமைத்துவ உருவாக்கப் பயிற்சி திட்டமான “மாற்றத்திற்காக: 100 சிந்தனையாளர்கள்” என்ற நிகழ்வின் நேரடி அமர்வை அக்டோபர் 11  மற்றும் 12 தேதிகளில் திருச்சியில் உள்ள சிஸ்டர்ஸ் ஆஃப் சாரிட்டி (SCCG) தலைமையகத்தில் நடத்தியது.

தமிழகத்தின் பல பகுதிகளில் இருந்து வந்த 36 இளைஞர்கள் கலந்து கொண்ட இந்த இரு நாள் பணிப்பகிர்வு, கிறிஸ்தவ நம்பிக்கையிலும் மதிப்புகளிலும் வேரூன்றிய விமர்சன சிந்தனையாளர்களையும் சமூக தலைவர்களையும் உருவாக்குவதை நோக்கமாகக் கொண்டது.

நிகழ்வு, TCYM இயக்கத்தின் தலைப்புப் பாடலான “பொது இலக்கு கனவெடுத்துப்” பாடலுடன் தொடங்கியது. பின்னர் TCYM இயக்க இயக்குநர் அருட்தந்தை க. எம். எடிசன் அவர்கள் தொடக்க உரையில், இரண்டு நாள் பயிற்சித் திட்டத்தின் நோக்கங்களை விளக்கினார்.

முதல் அமர்வான “அம்பேத்கரின் பார்வையில் சமூக நீதி” என்ற தலைப்பில், உ. அருட்தந்தை உ. ஜெகன் போஸ், செயின்ட் பால் பெரியாலயப் பேராசிரியர் வழிநடத்தினார். அவர், ஜனநாயகக் கொள்கைகளை பாதுகாப்பதின் அவசியத்தையும் புறக்கணிக்கப்பட்ட மக்களின் பங்களிப்பை உறுதிசெய்வதின் முக்கியத்துவத்தையும் வலியுறுத்தினார்.

“சமூக நீதி என்பது தொண்டு அல்ல; அது உரிமை. இது ஒருவரின் தனிப்பட்ட கடமை அல்ல, அரசின் பொறுப்பு,” என்று அருட்தந்தை. ஜெகன் குறிப்பிட்டார்.

அடுத்த அமர்வில், “பூமியின் நண்பர்கள்” எனப்படும் அடிப்படை இயக்கம் அறிமுகப்படுத்தப்பட்டது. இது சுற்றுச்சூழல் நீதியை ஊக்குவிக்கும் ஒரு புல இயக்கமாகும். இளைஞர்கள் இளைஞர் ஆணையத்தின் மாத இதழான “துடிப்பு” குறித்து விமர்சன ஆய்வுகளை செய்து தங்களது கருத்துகளையும் பகிர்ந்தனர்.

மாலை நேரத்தில், அருட்தந்தை.க. எம். எடிசன் அவர்கள் “சாதியற்ற தமிழ்ச் சமூகமும் சாதி சார்ந்த தமிழ்ச் சமூகமும்” என்ற தலைப்பில் உரையாற்றினார். இதில் அவர் தமிழ்நாட்டில் சாதி அமைப்பின் வரலாற்றுப் பின்னணியையும், இணைப்பு மற்றும் நீதி சார்ந்த சமூகத்தை உருவாக்கும் திருச்சபையின் பங்கையும் சிந்தனையோடு பகிர்ந்தார். நிகழ்வு மாலை ஜெபமாலையுடன் நிறைவடைந்தது.

இரண்டாம் நாள் திருப்பலியுடன் தொடங்கியது. அதில் பங்கேற்ற இளைஞர்கள் சமூக நீதி காக்கும் உறுதிமொழி எடுத்தனர்.

காலை அமர்வில், வழக்கறிஞர் அருட்தந்தை  சவரிமுத்து  அவர்கள் “நீதித்துறை மற்றும் குங்குமவாதத்தின் எழுச்சி” என்ற தலைப்பில் உரையாற்றினார். அவர் மார்டின் லூதர் கிங் ஜூனியரின் வார்த்தைகளை மேற்கோள் காட்டினார்:
“அநீதியின் முன் மௌனமாக இருப்பவர்கள், அதனை நிகழ்த்துபவர்களுக்குச் சமம்.”என்ற கருத்தை வலியுறுத்தினார்.

“ஊடகக் கதைகள் உங்கள் சிந்தனையை வழிநடத்த அனுமதிக்காதீர்கள். நிகழ்வுகளை விமர்சனமாகப் பகுப்பாய்வு செய்து உங்கள் சொந்த கருத்தை உருவாக்குங்கள். அதற்காக தொடர்ந்து வாசியுங்கள்.” என்ற கருத்தை வலியுறுத்தினார் .

பின்னர், TCYM மாநிலத் தலைவர் ஜெரிஷ் அவர்கள் இரண்டு நாள் பணிப்பகிர்வின் மதிப்பீட்டினை நடத்தி, வரவிருக்கும் நடவடிக்கைகள் குறித்து கலந்துரையாடலை முன்னெடுத்தார்.

பயிற்சி திட்டம் இயக்கத்தின் கீதமான “மீண்டும் மீண்டும் எழுவோம்” பாடலுடன் நிறைவடைந்தது.இறுதியாக அனைவருக்கும் நன்றி தெரிவிக்கப்பட்டது .