தாய்மார்களின் மாதிரி புனித மோனிக்கா
புனித மோனிகாவின் வாழ்விலிருந்து பத்து பாடங்கள்.
ஆகஸ்ட் 27, 2025 ஹிப்போவின் புனித மோனிக்கா, சிறிய வயதிலேயே பத்திரிசியஸ் (Patricius) என்ற ஒரு புறமத நம்பிக்கையாளர் மற்றும் கடினமான குணம் கொண்டவரை மணந்தார். கணவரின் குணம் கடுமையாக இருந்தாலும், மோனிக்கா பொறுமையுடனும் விசுவாசத்துடனும் குடும்ப வாழ்க்கையை நடத்தினார். அவரின் செபத்தாலும், அன்பாலும், பத்திரிசியஸ் கிறிஸ்தவராக மாறினார்.
மூன்று பிள்ளைகளுக்கு தாயானார். மூன்று பிள்ளைகளில், மிகவும் புகழ்பெற்றவர் ஆகஸ்டின். ஆகஸ்டின் ஒழுக்கமற்ற வாழ்க்கையிலும், மணிக்கேயக் கொள்கையிலும் ஆழ்ந்திருந்தார். மோனிக்கா 17 ஆண்டுகள் கண்ணீரோடும் பிரார்த்தனையோடும் அவரது மாறுபாட்டிற்காகக் காத்திருந்தார். இறுதியில், புனித அம்புரோஸ் (St. Ambrose) அவரின் வழிகாட்டுதலால், ஆகஸ்டின் கிறிஸ்துவை ஏற்றுக்கொண்டார்.
புனித மோனிக்காவின் வாழ்விலிருந்து பத்து பாடங்கள்
1. விடாமுயற்சியுடன் கூடிய ஜெப சக்தி: அகஸ்டினுக்காக மோனிக்கா தினமும் செய்யும் செபங்கள் இக்காலப் பெற்றோரின் ஆன்மீகப் போர் என்பதை நிரூபிக்கின்றன. புனித அகஸ்டின் தனது ஒப்புதல் வாக்குமூலத்தில் எழுதினார். " உடல் மரணத்திற்காக அழுவதை விட என் தாய் என் ஆன்ம மீட்புக்காக அழுதாள்." புனித மோனிகாவின் கண்ணீர் கடவுளின் அருளைப் பெருவதற்கான வழி.
2. அன்பு என்பது விட்டுக்கொடுத்தலில் வெளிப்படும்.
அகஸ்டின் தனது விருப்பத்திற்கு மாறாக உரோம் நகருக்குப் பயணம் செய்தபோதுஇ மோனிகா ஆரம்பத்தில் தடுக்க முயன்றார். உண்மையான அன்பு சில நேரங்களில் கட்டுப்பாட்டை விட்டுக்கொடுத்தலில் வெளிப்படும். "உண்மையான அன்பு உடைமையாக்குவது அல்ல" என்று திருத்தந்தை பிரான்சிஸ் குறிப்பிட்டார் - இது மோனிக்கா வலிமிகுந்த அனுபவத்தின் மூலம் கற்றுக்கொண்ட ஒரு கொள்கையாகும்.
3. தொடர் மற்றும் நிலையான உதாரணத்தின் மூலம் முழுஆளுமை வளர்ச்சி:
மோனிகாவின் சொந்த ஆன்மீக வாழ்க்கையே அகஸ்டினின் இறுதி மதமாற்றத்திற்கு அடித்தளமாக அமைந்தது. குழந்தைகள் பெரும்பாலும் பிடிவாதம் அல்லது வற்புறுத்தல் மூலம் அல்லாமல், பெற்றோரின் உண்மையான ஆன்மீக வாழ்வை காண்பதன் மூலம் நம்பிக்கைக்குத் திரும்புகிறார்கள் என்பதை புனித அம்ப்ரோஸ் கவனித்தார்.
4. ஞானம் நிறைந்த ஆலோசனையைத் தேடுதல்:
அகஸ்டினின் ஆன்மீக நிலை குறித்து மோனிக்கா ஆயர் அம்ப்ரோஸிடம் ஆலோசனை நடத்தினார். இது ஞான வழிகாட்டிகளிடமிருந்து வழிகாட்டுதலைத் தேடுவதன் மதிப்பை நிரூபிக்கிறது. இரண்டாம் வத்திக்கான் சங்க ஏடுகளில் ஆன்மீக உருவாக்கத்தில் சமூகத்தின் முக்கியத்துவத்தை வலியுறுத்துகிறதுஇ பிள்ளைகளின் வளர்ப்பு பெற்றோரின் ஒரு தனி முயற்சியாக இருக்க வேண்டிய அவசியமில்லை என்பதைக் வழியுறுத்துகிறது.
5. கடவுளின் திட்டத்திற்காக காத்திருத்தல் :
அகஸ்டினின் மனமாற்றத்திற்கு மோனிகாவின் பதினேழு ஆண்டுகள் உண்மையுள்ள ஜெபம் தேவைப்பட்டது. இது பெற்றோருக்கு ஆன்மீக வளர்ச்சி மனித எதிர்பார்ப்புகளில் அல்ல, கடவுளின் காலவரிசையில் செயல்படுகிறது என்பதைக் கற்பிக்கிறது. இறையியலாளர் ஹென்றி நூவன், "காத்திருப்பது வெறுமனே நீடித்தது அல்ல" மாறாக கடவுளின் சரியான நேரத்தில் தீவிரமாக நம்புவதாகக் குறிப்பிட்டார்.
6.துன்பம் தாய்மையின் இயல்பு:
புனித மோனிக்காவின் கண்ணீர் வெறும் உணர்ச்சி வெளிப்பாடுகள் அல்ல; அவை மனித குல மீட்புத்திட்டத்தில் பங்குகொண்டவையாக இருந்தன.
7. விசுவாசம் உடனடி நிலைமைகளைத் தாண்டி நிற்கிறது:
அகஸ்டின் ஒழுக்கக்கேடான வாழ்க்கை முறையில் ஈடுபட்ட போதிலும், மோனிக்கா தன் மகனின் இறுதி மீட்பில் நம்பிக்கை கொண்டிருந்ததார்.
8. மனமாற்றத்தில் சமூகத்தின் பங்கு:
ஆம்ப்ரோஸ் போன்ற ஞானமுள்ள கிறிஸ்தவர்களை சந்திக்கும் சூழல்களில் அகஸ்டினை மோனிக்கா நிலைநிறுத்தினார். நேர்மறையான தாக்கங்கள் மற்றும் நம்பிக்கை சமூகங்களுடன் குழந்தைகள் சுற்றி இருப்பதன் முக்கியத்துவத்தை பெற்றோருக்குக் காட்டுகிறது.
9. நேர்மையுடன் கூடிய அறிவுத்திறன் விசுவாசத்திற்கு உதவுகிறது: ஆகஸ்டினின் தத்துவக் கேள்விகளை நிராகரிப்பதற்குப் பதிலாக, அவற்றைச் சரியான திசையில் முன்னேற, மோனிக்கா அவரது அறிவுசார் தேடல்களை ஊக்குவித்தார்.
10. தனிமனித வாழ்க்கைக்கு அப்பால் மரபு மேம்பட்டு காணப்படுகிறது:
மோனிக்காவின் விசுவாசமிகு தாய்மை, புனித ஆகஸ்டினைப் பெற்றெடுத்ததோடு மட்டுமல்லாமல், அவரது ஆன்மீக பங்களிப்புகளின் மூலம் எண்ணற்ற தலைமுறைகளைப் பாதித்தது. பிள்ளைகளின் ஆன்மீக தாக்கம் அல்லது மாற்றம் குடும்பத்தை மட்டுமல்ல திருஅவையையும் மற்றும் சமுதாயத்தையும் மாற்றுவதற்கான ஓர் வழி என்பதை நினைவூட்டுகிறது.
புனிதமோனிக்காவின் உதாரணம், பெற்றோரின் அன்பு, விசுவாசத்தில் நங்கூரமிடப்பட்டு, பொறுமையான விடாமுயற்சியின் மூலம் வெளிப்படுத்தப்பட்டால், சாத்தியமற்றதாகத் தோன்றும் தடைகளைத் தாண்ட முடியும் என்பதை அவரது வாழ்க்கை வரலாறு நிரூபிக்கிறது. மோனிகாவின் கண்ணீர், அகஸ்டினின் மதமாற்றத்தில் மட்டுமல்ல, இன்றும் விசுவாசத்தை வடிவமைக்கும் கிறிஸ்தவ இறையியலுக்கு அவர் அளித்த ஆழமான பங்களிப்புகளிலும் பூத்த கருணையின் விதைகளாக மாறுகிறது.
சிந்தனைக்கான கேள்விகள்
புனித மோனிக்காவின் பொறுமை மற்றும் விடாமுயற்சியுன் கூடிய செபம் எவ்வாறு இன்றைய கால பெற்றோருக்கு சவாலகிறது?
Daily Program
