இந்தோனேசியாவின் மேற்கு ஜாவா மாகாணத்தில் உள்ள ஈக்கோ கேம்ப் பாண்டுங் மையத்தில், ஆகஸ்ட் 13 முதல் 16 வரை அருள்பணியாளர்கள், துறவியர், ஆசிரியர்கள், பல்கலைக்கழக மாணவர்கள் மற்றும் சுற்றுச்சூழல் ஆர்வலர்கள் ஒன்றுகூடி, இறைவா உமக்கே புகழ் ஆன்மீகத்தை நடைமுறைச் செயல்களாக மாற்றுவது குறித்த சூழலியல் உருவாக்கப் பயிற்சியில் பங்கேற்றனர்.
“இறைவா உமக்கே புகழ்’ ஆன்மீகம்: திருத்தந்தை பிரான்சிஸ் மற்றும் திருத்தந்தை பதினான்காம் லியோ ஆகியோரின் பார்வையில் சூழலியல் ஆன்மீகத்தை ஆராய்தல்” என்ற தலைப்பில் நடைபெற்ற இப்பயிற்சி, பூமியை நமது பொதுவான இல்லமாகப் பாதுகாப்பதற்கான கிறிஸ்தவப் பொறுப்பை ஆழமாக உணரச் செய்தது.
வகுப்பறை விவாதங்களுக்கு மட்டும் முக்கியத்துவம் அளிக்காமல், கழிவுகளைக் குறைத்தல், உணவுக் கழிவுகளைத் தவிர்த்தல், மின்சாரத்தைச் சேமித்தல், பொறுப்பான நுகர்வு மற்றும் இயற்கையை உன்னிப்பாகக் கவனித்தல் போன்ற நடைமுறைச் செயல்பாடுகள் மூலம் சூழலியல் வாழ்வியலை அனுபவிக்க பங்கேற்பாளர்கள் அழைக்கப்பட்டனர்.
ஈக்கோ கேம்ப் பாண்டுங் மையத்தின் தொடக்க முயற்சியாளரான அருள்பணி ஃபெர்ரி சுத்ரிஸ்னா விட்ஜயா, சூழலியல் மாற்றம் என்பது அன்றாடத் தேர்வுகளில் வெளிப்பட வேண்டும் என்று வலியுறுத்தினார். “முதலில் உங்களிடமிருந்து தொடங்குங்கள். அதை உங்கள் செயல்களின் மூலம் வெளிப்படுத்துங்கள். அதன்பிறகே மற்றவர்களையும் பின்பற்ற அழையுங்கள்” என்று அவர் கூறினார்.
கத்தோலிக்க சமூகப் போதனை, Laudato Si’, Laudate Deum, The Letter திரைப்படம், சூழலியல் வாழ்வியல் நடைமுறைகள் மற்றும் தனிப்பட்ட உறுதிமொழிகளை சமூகச் செயல்பாடுகளாக மாற்றுவது குறித்து பங்கேற்பாளர்கள் சிந்தித்தனர்.
மெந்தாவாய் தீவுகளைச் சேர்ந்த பல்கலைக்கழக மாணவி ஜூலியானா சபுமாய்ஜாட், தண்ணீர், மின்சாரம், காற்று, உணவு, கழிவுகள் மற்றும் பல்லுயிரினப் பாதுகாப்பு குறித்து தமக்கு புதிய விழிப்புணர்வு ஏற்பட்டதாகக் கூறினார். உணவுக் கழிவுகளைக் குறைத்தல், தண்ணீர் மற்றும் மின்சாரத்தைச் சேமித்தல், மீண்டும் பயன்படுத்தக்கூடிய பொருட்களை எடுத்துச் செல்லுதல், ஒருமுறை பயன்படுத்தும் நெகிழிப் பொருட்களைத் தவிர்த்தல் போன்ற பழக்கங்களை மேற்கொள்ளத் தீர்மானித்தார்.
மற்றொரு பங்கேற்பாளரான மரியா தெரசா, அமைதியான நடைப்பயிற்சி, தியானம், உணவை விழிப்புணர்வுடன் உட்கொள்ளுதல் மற்றும் இயற்கையைக் கவனித்தல் போன்ற செயல்பாடுகள் மூலம் இயற்கையைப் புதிய பார்வையில் அனுபவித்ததாகத் தெரிவித்தார். “பெரிய மாற்றத்தைச் செய்யும் வாய்ப்புக்காக நாம் காத்திருக்க வேண்டியதில்லை; மாற்றம் நம்மிடமிருந்தும், அன்றாட வாழ்வின் சிறிய பழக்கங்களிலிருந்தும் தொடங்கலாம்” என்று அவர் கூறினார்.
கெத்தாபாங் பகுதியைச் சேர்ந்த ஆஞ்சலிகா முராஸ், உணவு என்பது வெறுமனே உட்கொள்ளப்படும் பொருள் அல்ல; விதைகள், மண், விவசாயிகள், நுண்ணுயிரிகள் உள்ளிட்ட பல்வேறு கூறுகளின் ஒருங்கிணைந்த செயல்முறையின் விளைவு என்பதை உணர்ந்ததாகக் கூறினார். சுற்றுலாத்துறையில் நிலையான மற்றும் இயற்கை வளங்களைப் பாதுகாக்கும் நடைமுறைகளை எதிர்காலத்தில் முன்னெடுக்க இந்த அனுபவம் உதவும் என்றும் அவர் தெரிவித்தார்.
பங்கேற்பாளர்கள் தங்கள் பகுதிகளில் நிலவும் சுற்றுச்சூழல் சவால்களையும் பகிர்ந்து கொண்டனர். தகரச் சுரங்கங்கள், எண்ணெய்ப்பனைத் தோட்டங்கள், நெகிழிக் கழிவுகள், பசுமைப் பகுதிகளின் குறைவு, தண்ணீர் பற்றாக்குறை மற்றும் அதிகரித்து வரும் வெப்பநிலை ஆகியவை குறித்து அவர்கள் கலந்துரையாடினர்.
பயிற்சியின் நிறைவில், செயல்பாடு, விழிப்புணர்வு ஏற்படுத்துதல் மற்றும் கல்வி ஆகிய மூன்று தளங்களில் தொடர்ந்து பணியாற்ற முடிவு செய்யப்பட்டது. கழிவுகளைத் தரம் பிரித்தல், உரம் தயாரித்தல், நெகிழிப் பயன்பாட்டைக் குறைத்தல், தண்ணீர் மற்றும் மின்சாரத்தைச் சேமித்தல், பள்ளித் தோட்டங்களை மீண்டும் உருவாக்குதல், உள்ளூர் மற்றும் தாவர அடிப்படையிலான உணவுகளைத் தேர்ந்தெடுத்தல், உணவுக் கழிவுகளைக் குறைத்தல் போன்ற உறுதிமொழிகளை பங்கேற்பாளர்கள் எடுத்துக்கொண்டனர்.
ஆசிரியர்கள் தங்களது பள்ளிகளில் சூழலியல் கல்வியை ஊக்குவித்து, மாணவர்கள் நடைமுறைச் செயல்பாடுகள் மூலம் இறைவா உமக்கே புகழ் என்ற திருமடலின் கருத்துகளை வாழ்வில் கடைப்பிடிக்க திட்டமிட்டுள்ளனர்.
“படைப்பைப் பாதுகாப்பது என்பது சுற்றுச்சூழல் பிரச்சினைகளைப் பற்றி பேசுவது மட்டுமல்ல; நாம் வாழும் முறையையே மாற்றிக் கொள்வதாகும்” என்பதே இப்பயிற்சியின் முக்கியச் செய்தியாக அமைந்தது. சூழலியல் மாற்றம் தனிப்பட்ட வாழ்க்கைத் தேர்வுகளிலிருந்து தொடங்கி, குடும்பங்கள், சமூகங்கள் மற்றும் ஒட்டுமொத்த சமுதாயத்திலும் படிப்படியாக மாற்றத்தை ஏற்படுத்தும் என அருள்பணி ஃபெர்ரி அவர்கள் வலியுறுத்தினார்.
இந்தோனேசியாவின் மேற்கு ஜாவா மாகாணத்தில் உள்ள ஈக்கோ கேம்ப் பாண்டுங் மையத்தில், ஆகஸ்ட் 13 முதல் 16 வரை அருள்பணியாளர்கள், துறவியர், ஆசிரியர்கள், பல்கலைக்கழக மாணவர்கள் மற்றும் சுற்றுச்சூழல் ஆர்வலர்கள் ஒன்றுகூடி, இறைவா உமக்கே புகழ் ஆன்மீகத்தை நடைமுறைச் செயல்களாக மாற்றுவது குறித்த சூழலியல் உருவாக்கப் பயிற்சியில் பங்கேற்றனர்.
“இறைவா உமக்கே புகழ்’ ஆன்மீகம்: திருத்தந்தை பிரான்சிஸ் மற்றும் திருத்தந்தை பதினான்காம் லியோ ஆகியோரின் பார்வையில் சூழலியல் ஆன்மீகத்தை ஆராய்தல்” என்ற தலைப்பில் நடைபெற்ற இப்பயிற்சி, பூமியை நமது பொதுவான இல்லமாகப் பாதுகாப்பதற்கான கிறிஸ்தவப் பொறுப்பை ஆழமாக உணரச் செய்தது.
வகுப்பறை விவாதங்களுக்கு மட்டும் முக்கியத்துவம் அளிக்காமல், கழிவுகளைக் குறைத்தல், உணவுக் கழிவுகளைத் தவிர்த்தல், மின்சாரத்தைச் சேமித்தல், பொறுப்பான நுகர்வு மற்றும் இயற்கையை உன்னிப்பாகக் கவனித்தல் போன்ற நடைமுறைச் செயல்பாடுகள் மூலம் சூழலியல் வாழ்வியலை அனுபவிக்க பங்கேற்பாளர்கள் அழைக்கப்பட்டனர்.
ஈக்கோ கேம்ப் பாண்டுங் மையத்தின் தொடக்க முயற்சியாளரான அருள்பணி ஃபெர்ரி சுத்ரிஸ்னா விட்ஜயா, சூழலியல் மாற்றம் என்பது அன்றாடத் தேர்வுகளில் வெளிப்பட வேண்டும் என்று வலியுறுத்தினார். “முதலில் உங்களிடமிருந்து தொடங்குங்கள். அதை உங்கள் செயல்களின் மூலம் வெளிப்படுத்துங்கள். அதன்பிறகே மற்றவர்களையும் பின்பற்ற அழையுங்கள்” என்று அவர் கூறினார்.
கத்தோலிக்க சமூகப் போதனை, Laudato Si’, Laudate Deum, The Letter திரைப்படம், சூழலியல் வாழ்வியல் நடைமுறைகள் மற்றும் தனிப்பட்ட உறுதிமொழிகளை சமூகச் செயல்பாடுகளாக மாற்றுவது குறித்து பங்கேற்பாளர்கள் சிந்தித்தனர்.
மெந்தாவாய் தீவுகளைச் சேர்ந்த பல்கலைக்கழக மாணவி ஜூலியானா சபுமாய்ஜாட், தண்ணீர், மின்சாரம், காற்று, உணவு, கழிவுகள் மற்றும் பல்லுயிரினப் பாதுகாப்பு குறித்து தமக்கு புதிய விழிப்புணர்வு ஏற்பட்டதாகக் கூறினார். உணவுக் கழிவுகளைக் குறைத்தல், தண்ணீர் மற்றும் மின்சாரத்தைச் சேமித்தல், மீண்டும் பயன்படுத்தக்கூடிய பொருட்களை எடுத்துச் செல்லுதல், ஒருமுறை பயன்படுத்தும் நெகிழிப் பொருட்களைத் தவிர்த்தல் போன்ற பழக்கங்களை மேற்கொள்ளத் தீர்மானித்தார்.
மற்றொரு பங்கேற்பாளரான மரியா தெரசா, அமைதியான நடைப்பயிற்சி, தியானம், உணவை விழிப்புணர்வுடன் உட்கொள்ளுதல் மற்றும் இயற்கையைக் கவனித்தல் போன்ற செயல்பாடுகள் மூலம் இயற்கையைப் புதிய பார்வையில் அனுபவித்ததாகத் தெரிவித்தார். “பெரிய மாற்றத்தைச் செய்யும் வாய்ப்புக்காக நாம் காத்திருக்க வேண்டியதில்லை; மாற்றம் நம்மிடமிருந்தும், அன்றாட வாழ்வின் சிறிய பழக்கங்களிலிருந்தும் தொடங்கலாம்” என்று அவர் கூறினார்.
கெத்தாபாங் பகுதியைச் சேர்ந்த ஆஞ்சலிகா முராஸ், உணவு என்பது வெறுமனே உட்கொள்ளப்படும் பொருள் அல்ல; விதைகள், மண், விவசாயிகள், நுண்ணுயிரிகள் உள்ளிட்ட பல்வேறு கூறுகளின் ஒருங்கிணைந்த செயல்முறையின் விளைவு என்பதை உணர்ந்ததாகக் கூறினார். சுற்றுலாத்துறையில் நிலையான மற்றும் இயற்கை வளங்களைப் பாதுகாக்கும் நடைமுறைகளை எதிர்காலத்தில் முன்னெடுக்க இந்த அனுபவம் உதவும் என்றும் அவர் தெரிவித்தார்.
பங்கேற்பாளர்கள் தங்கள் பகுதிகளில் நிலவும் சுற்றுச்சூழல் சவால்களையும் பகிர்ந்து கொண்டனர். தகரச் சுரங்கங்கள், எண்ணெய்ப்பனைத் தோட்டங்கள், நெகிழிக் கழிவுகள், பசுமைப் பகுதிகளின் குறைவு, தண்ணீர் பற்றாக்குறை மற்றும் அதிகரித்து வரும் வெப்பநிலை ஆகியவை குறித்து அவர்கள் கலந்துரையாடினர்.
பயிற்சியின் நிறைவில், செயல்பாடு, விழிப்புணர்வு ஏற்படுத்துதல் மற்றும் கல்வி ஆகிய மூன்று தளங்களில் தொடர்ந்து பணியாற்ற முடிவு செய்யப்பட்டது. கழிவுகளைத் தரம் பிரித்தல், உரம் தயாரித்தல், நெகிழிப் பயன்பாட்டைக் குறைத்தல், தண்ணீர் மற்றும் மின்சாரத்தைச் சேமித்தல், பள்ளித் தோட்டங்களை மீண்டும் உருவாக்குதல், உள்ளூர் மற்றும் தாவர அடிப்படையிலான உணவுகளைத் தேர்ந்தெடுத்தல், உணவுக் கழிவுகளைக் குறைத்தல் போன்ற உறுதிமொழிகளை பங்கேற்பாளர்கள் எடுத்துக்கொண்டனர்.
ஆசிரியர்கள் தங்களது பள்ளிகளில் சூழலியல் கல்வியை ஊக்குவித்து, மாணவர்கள் நடைமுறைச் செயல்பாடுகள் மூலம் இறைவா உமக்கே புகழ் என்ற திருமடலின் கருத்துகளை வாழ்வில் கடைப்பிடிக்க திட்டமிட்டுள்ளனர்.
“படைப்பைப் பாதுகாப்பது என்பது சுற்றுச்சூழல் பிரச்சினைகளைப் பற்றி பேசுவது மட்டுமல்ல; நாம் வாழும் முறையையே மாற்றிக் கொள்வதாகும்” என்பதே இப்பயிற்சியின் முக்கியச் செய்தியாக அமைந்தது. சூழலியல் மாற்றம் தனிப்பட்ட வாழ்க்கைத் தேர்வுகளிலிருந்து தொடங்கி, குடும்பங்கள், சமூகங்கள் மற்றும் ஒட்டுமொத்த சமுதாயத்திலும் படிப்படியாக மாற்றத்தை ஏற்படுத்தும் என அருள்பணி ஃபெர்ரி அவர்கள் வலியுறுத்தினார்.
Daily Program
